ಗಿಣಿರಾಮನ ‘ಮಹತಿ’ ನಯನಾಗೆ ಕೋವಿಡ್ ದೃಢ‌

ಕಲರ್ಸ್‌ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಗಿಣಿರಾಮ ಧಾರಾವಾಹಿಯ ‘ಮಹತಿ’ ಪಾತ್ರದಾರಿ ನಯನಾ ಅವರಿಗೆ ಕೋರೊನಾ ಸೋಂಕು ತಗುಲಿದೆ. ಅವರು ಮನೆಯಲ್ಲೇ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಈ ಬಗ್ಗೆ ಜಾಲತಾಣಗಳಲ್ಲಿ ಮಾಹಿತಿ ಹಂಚಿಕೊಂಡಿರುವ ನಯನಾ ಅವರು, ‘ಚಿಂತೆ ಮಾಡಬೇಕಾಗಿಲ್ಲ. ನಾನು ಚಿಕಿತ್ಸೆ ಪಡೆಯುತ್ತಿದ್ದೇನೆ. ಮನೆಯಲ್ಲಿ ಪ್ರತ್ಯೇಕವಾಸದಲ್ಲಿ ಇದ್ದೇನೆ. ಕೆಲಸಕ್ಕೆ ಮರಳುವ ನಂಬಿಕೆ ಇದೆ. ನನಗೆ ಹೇಗೆ ಈ ವೈರಸ್ ತಗುಲಿತೋ ಗೊತ್ತಿಲ್ಲ. ನಾನು 15 ದಿನಗಳ ಕಾಲ ಶೂಟಿಂಗ್‌ನಿಂದ ದೂರ ಇರುತ್ತೇನೆ. ಧಾರಾವಾಹಿಯ ಸ್ಕ್ರಿಪ್ಟ್‌ನಲ್ಲಿ ಕೊಂಚ ಬದಲಾವಣೆ ತರುವ ಸಾಧ್ಯತೆ ಇದೆ’ ಎಂದಿದ್ದಾರೆ.