ಜಾಹೀರಾತು ಸಹಿತ ಚಂದಾದಾರಿಕೆ ಆಯ್ಕೆ ನೀಡಲಿದೆ ನೆಟ್‌ಫ್ಲಿಕ್ಸ್
ಜಾಹೀರಾತು ಪ್ರಸಾರದ ಮೂಲಕ ಆದಾಯ ಹೆಚ್ಚಿಸಿಕೊಳ್ಳಲು ನೆಟ್‌ಫ್ಲಿಕ್ಸ್ ಪ್ಲ್ಯಾನ್
ಸ್ಯಾನ್ ಫ್ರಾನ್ಸಿಸ್ಕೊ: ಜಾಹೀರಾತು ಸಹಿತ ಚಂದಾದಾರಿಕೆ ಆಯ್ಕೆಯನ್ನು ನವೆಂಬರ್ ತಿಂಗಳಿನಿಂದ ಆರಂಭಿಸುತ್ತಿರುವುದಾಗಿ ಒಟಿಟಿ ವೇದಿಕೆ ನೆಟ್‌ಫ್ಲಿಕ್ಸ್ ತಿಳಿಸಿದೆ.
ಈಗಾಗಲೇ 9,70,000 ಚಂದಾದಾರರನ್ನು ನೆಟ್‌ಫ್ಲಿಕ್ಸ್ ಕಳೆದುಕೊಂಡಿದೆ. ಅಲ್ಲದೆ, ಷೇರು ಬೆಲೆ ಕೂಡ ಶೇ 63ರಷ್ಟು ಇಳಿಕೆಯಾಗಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ, ಈ ಬಾರಿ ಆದಾಯದಲ್ಲಿ ಇಳಿಕೆಯಾಗಿದೆ.
ಹೀಗಾಗಿ, ಅಮೆರಿಕ, ಆಸ್ಟ್ರೇಲಿಯಾ, ಬ್ರೆಜಿಲ್, ಬ್ರಿಟನ್, ಕೆನಡಾ, ಫ್ರಾನ್ಸ್, ಜರ್ಮನಿ, ಇಟಲಿ, ಜಪಾನ್, ದಕ್ಷಿಣ ಕೊರಿಯಾ, ಮೆಕ್ಸಿಕೊ ಮತ್ತು ಸ್ಪೇನ್‌ನಲ್ಲಿ ಮೊದಲ ಹಂತದಲ್ಲಿ ನೆಟ್‌ಫ್ಲಿಕ್ಸ್ ಹೊಸ ಚಂದಾದಾರಿಕೆ ವ್ಯವಸ್ಥೆಯನ್ನು ಪರಿಚಯಿಸುತ್ತಿದೆ.
ಹೊಸ ಬೇಸಿಕ್ ವಿತ್ ಆ್ಯಡ್ಸ್ ಪ್ಯಾಕ್, $6.99 ದರಕ್ಕೆ ಅಮೆರಿಕದಲ್ಲಿ ದೊರೆಯಲಿದೆ. ಜಾಹೀರಾತು ಇಲ್ಲದ ಪ್ಲ್ಯಾನ್‌ಗಳೂ ನೆಟ್‌ಫ್ಲಿಕ್ಸ್‌ನಲ್ಲಿ ಇರಲಿದೆ.
ವಿಡಿಯೊ ಜಾಹೀರಾತುಗಳು 15ರಿಂದ 30 ಸೆಕೆಂಡ್ಸ್ ಇರಲಿದೆ. ಡಿಸ್ನಿ+ ಕೂಡ ಶೀಘ್ರದಲ್ಲೇ ಒಟಿಟಿ ವೆದಿಕೆಯಲ್ಲಿ ಜಾಹೀರಾತು ಪ್ರಸಾರ ಮಾಡಲಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.