ಸ್ಟಾರ್‌ ಸುವರ್ಣದಲ್ಲಿ ‘ರಂಗಿನ ಹಬ್ಬ’

ರಂಗಿನ ಹಬ್ಬಕ್ಕೆ ಸಜ್ಜಾಗಿದೆ ಸ್ಟಾರ್ ಸುವರ್ಣ ವಾಹಿನಿಯ ವೇದಿಕೆ. ಈಕಾರ್ಯಕ್ರಮದಲ್ಲಿ ವಾಹಿನಿಯ ಧಾರಾವಾಹಿ ಕಲಾವಿದರು, ಹಲವು ಆಟಗಳ ಮೂಲಕ ಹಬ್ಬದ ಉತ್ಸಾಹ ಹೆಚ್ಚಿಸಿದ್ದಾರೆ.

ಕಿರುತೆರೆಯ ಕಲಾವಿದರ ಜೊತೆ ಬಣ್ಣದೋಕುಳಿ ಆಡಲಿದ್ದಾರೆ ನಟಿಯರಾದ ಶುಭಾ ಪೂಂಜ ಮತ್ತು ರಾಗಿಣಿ ದ್ವಿವೇದಿ. ಸಂಗೀತ ನಿರ್ದೇಶಕ ಗುರುಕಿರಣ್ ಅವರು ಈ ಕಾರ್ಯಕ್ರಮದ ಭಾಗವಾಗಿದ್ದಾರೆ. ಗುರುಕಿರಣ್ ಅವರು ಸಿನಿಮಾ ಪಯಣದ 25 ವರ್ಷಗಳ ಸಂಭ್ರಮಾಚರಣೆ ನಡೆದಿದೆ. ಶುಭಾ ಪೂಂಜ ಅವರು ತಮ್ಮ ಪತಿ ಸುಮಂತ್ ಜೊತೆಯಲ್ಲಿ ಮೊದಲ ಹೋಳಿ ಹಬ್ಬ ಆಚರಿಸಿದ್ದಾರೆ. ನಟಿ ರಾಗಿಣಿ ಮತ್ತು ಡ್ಯಾನ್ಸ್ ಮಾಸ್ಟರ್ ಮುರುಗ ಜೊತೆಯಾಗಿ ಹೆಜ್ಜೆ ಹಾಕಿದ್ದು, ರಂಗಿನ ಹಬ್ಬಕ್ಕೆ ವಿಶೇಷ ರಂಗು ತುಂಬಿದ್ದಾರೆ. ನಿರಂಜನ್ ದೇಶಪಾಂಡೆ ಈ ಕಾರ್ಯಕ್ರಮದ ನಿರೂಪಣೆ ಮಾಡಿದ್ದಾರೆ.

ರಂಗಿನ ಹಬ್ಬ ಕಾರ್ಯಕ್ರಮ ಮಾರ್ಚ್ 20ರಂದು ಸಂಜೆ 6ಗಂಟೆಗೆ ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗಲಿದೆ.