ಬಿಗ್‌ಬಾಸ್ ಸೀಸನ್ 15ರಿಂ‌ದ ಹೊರನಡೆದ ಶಮಿತಾ ಶೆಟ್ಟಿ?

ಬೆಂಗಳೂರು: ಈ ಬಾರಿಯ ಹಿಂದಿ ಬಿಗ್ ಬಾಸ್ ಸೀಸನ್ 15 ಹಲವು ವಿವಾದಗಳಿಂದಲೇ ಸುದ್ದಿಯಾಗುತ್ತಿದೆ.

ಆದರಲ್ಲೂ ಕಳೆದ ಒಂದು ವಾರದಲ್ಲಿ ರಾಕೇಶ್ ಬಾಪಟ್ ಮತ್ತು ಅಫ್ಸಾನಾ ಖಾನ್ ಹೊರಹೋಗಿದ್ದರು. ಅದರ ಬೆನ್ನಲ್ಲೇ ನಟಿ ಶಮಿತಾ ಶೆಟ್ಟಿ ಕೂಡ ಹೊರಹೋಗಿದ್ದಾರೆ.

ಶಮಿತಾ ಶೆಟ್ಟಿ ಅವರು ಶನಿವಾರ ರಾತ್ರಿ ಬಿಗ್ ಬಾಸ್‌ನಿಂದ ವೈದ್ಯಕೀಯ ಕಾರಣ ನೀಡಿ ನಿರ್ಗಮಿಸಿದ್ದಾರೆ ಎನ್ನಲಾಗಿದೆ. ಅಲ್ಲದೆ, ಎರಡು-ಮೂರು ದಿನಗಳಲ್ಲಿ ಅವರು ವಾಪಸ್ ಬರುವ ನಿರೀಕ್ಷೆಯಿದೆ.

ರಾಕೇಶ್ ಕೂಡ ವೈದ್ಯಕೀಯ ಕಾರಣ ನೀಡಿ ಮನೆಯಿಂದ ನಿರ್ಗಮಿಸಿದ್ದರು. ಉಳಿದಂತೆ, ಅಫ್ಸಾನಾ ಖಾನ್ ಅವರನ್ನು ಮನೆಯಿಂದ ಹೊರಹೋಗುವಂತೆ ಸೂಚಿಸಲಾಗಿತ್ತು.

ಬಿಗ್ ಬಾಸ್: ಅಶ್ಲೀಲ ಪದ ಬಳಸಿ ಹೊಡೆದಾಡಿಕೊಂಡ ಶಮಿತಾ ಶೆಟ್ಟಿ-ಅಫ್ಸಾನಾ ಖಾನ್!

ಬಾಲಿವುಡ್ ನಟ ಸಲ್ಮಾನ್ ಖಾನ್ ನಡೆಸಿಕೊಡುತ್ತಿರುವ ಬಿಗ್ ಬಾಸ್ ಸೀಸನ್ 15 ಈ ಬಾರಿ ಮನೆಯಿಂದ ಹೊರಹೋಗುತ್ತಿರುವ ಸ್ಪರ್ಧಿಗಳ ಕಾರಣದಿಂದ ಸುದ್ದಿಯಾಗಿದೆ.