‘ಜುವೆಲ್ಸ್‌ ಫೇರ್‌’ಗೆ ಹರಿಪ್ರಿಯಾ ಚಾಲನೆ

ದಕ್ಷಿಣ ಭಾರತದ ಆಕರ್ಷಕ ಮತ್ತು ವಿಶೇಷ ಆಭರಣ ಪ್ರದರ್ಶನ ‘ಏಷ್ಯಾ ಜುವೆಲ್ಸ್‌ ಫೇರ್ 2019’ನ 16ನೇ ಆವೃತ್ತಿನಗರದಲ್ಲಿ ಶುಕ್ರವಾರದಿಂದ ಆರಂಭಗೊಂಡಿದೆ. ಪ್ರದರ್ಶನ ಆಗಸ್ಟ್‌ 25ರವರೆಗೆ ಮುಂದುವರಿಯಲಿದೆ.

ರೆಸಿಡೆನ್ಸಿ ರಸ್ತೆಯ ಕ್ಯಾಶ್ ಫಾರ್ಮಸಿ ಎದುರಿನ ಪಂಚತಾರಾ ಹೋಟೆಲ್ ರಿಟ್ಜ್-ಕಾರ್ಲ್ಟನ್‌ನಲ್ಲಿ ಬೆಳಿಗ್ಗೆ 10.30ರಿಂದ ರಾತ್ರಿ 8ರವರೆಗೆ ನಡೆಯಲಿದೆ. ಮೇಳಕ್ಕೆ ಖ್ಯಾತ ನಟಿ ಹರಿಪ್ರಿಯಾ ಚಾಲನೆ ನೀಡಿದರು.

ಈ ಪ್ರದರ್ಶನದಲ್ಲಿ ಫೈನ್ ಗೋಲ್ಡ್, ಪ್ಲಾಟಿನಂ,ವಜ್ರಾಭರಣ, ಸಾಂಪ್ರದಾಯಿಕ, ವಿವಾಹದ ಆಭರಣ, ಅಮೂಲ್ಯ ಹರಳಿನ ಆಭರಣ, ಕುಂದನ್, ಜಡೌ ಮತ್ತು ಪೊಲ್ಕಿ ಆಭರಣಗಳಿವೆ. ಮುಂಬರುವ ಹಬ್ಬ, ಉತ್ಸವಗಳಿಗೆ ಹಾಗೂ ವಧುವರರು ಈಗಲೇ ಆಭರಣಗಳನ್ನು ಬುಕ್ ಮಾಡಿಕೊಳ್ಳಬಹುದು. ಈ ಪ್ರದರ್ಶನವನ್ನು ಇಂಟ್ರೊಡಕ್ಷನ್ ಟ್ರೇಡ್ ಶೋಸ್ ಪ್ರೈವೇಟ್ ಲಿಮಿಟೆಡ್ ಆಯೋಜಿಸಿದೆ.