Fact Check: ಹಿಮಾಲಯದ ಕೊರೆಯುವ ಚಳಿಯಲ್ಲಿ ಕುಳಿತು ಸಂತರು ಧ್ಯಾನ ಮಾಡಿದ್ದು ನಿಜವೇ

ಸಂತರೊಬ್ಬರು ಧ್ಯಾನ ಮಾಡುತ್ತಿರುವ ಚಿತ್ರವೊಂದು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿದೆ. ‘ಹಿಮಾಲಯದ ಕೊರೆಯುವ ಚಳಿಯಲ್ಲಿ ಕುಳಿತು ಅವರು ಧ್ಯಾನ ಮಾಡುತ್ತಿದ್ದಾರೆ. ಅವರ ದೇಹವು ಸಂಪೂರ್ಣವಾಗಿ ಹಿಮದಿಂದ ಆವೃತವಾಗಿದೆ. ಇದು ಸನಾತನ ಧರ್ಮದ ಶಕ್ತಿ’ ಎಂದು ಚಿತ್ರವನ್ನು ಬಿಂಬಿಸಲಾಗಿದೆ. ಟ್ವಿಟರ್‌ನಲ್ಲಿ ಈ ಚಿತ್ರಕ್ಕೆ 5,000ಕ್ಕೂ ಹೆಚ್ಚು ಲೈಕ್‌ಗಳು ದೊರೆತಿವೆ ಮತ್ತು ಹಲವಾರು ಬಾರಿ ಈ ಚಿತ್ರ ಶೇರ್‌ ಆಗಿದೆ.

ಇದು ಸುಳ್ಳು ಮಾಹಿತಿ ಎಂದು ದ ಕ್ವಿಂಟ್‌ ವರದಿ ಮಾಡಿದೆ. ಈ ಚಿತ್ರದಲ್ಲಿ ಇರುವವರು ‘1008 ಮಹಾಂತ್‌ ಬಾಬಾ ಭಲೇ ಗಿರಿ ಜಿ ಮಹಾರಾಜ್‌’ ಎಂಬುವವರು. ‘ಬಾಬಾ ಸರ್ಬಂಗಿ’ ಎಂಬ ಅವರ ಸಾಮಾಜಿಕ ಜಾಲತಾಣ ಖಾತೆಯಲ್ಲಿ ಅವರೇ ಈ ಚಿತ್ರವನ್ನು 2019ರ ಜೂ.18 ರಂದು ಪೋಸ್ಟ್‌ ಮಾಡಿದ್ದಾರೆ. ಅವರು ‘ಅಗ್ನಿ ತಪಸ್ಯ’ ಕೈಗೊಂಡಾಗ ಈ ಚಿತ್ರ ತೆಗೆಯಲಾಗಿದೆ. ಅವರ ದೇಹವನ್ನು ಬೂದಿಯಿಂದ ಮುಚ್ಚಲಾಗಿದೆಯೇ ಹೊರತು ಹಿಮದಿಂದ ಅಲ್ಲ ಎಂದು ದ ಕ್ವಿಂಟ್‌ ವರದಿಯಲ್ಲಿ ಹೇಳಲಾಗಿದೆ.