ಉತ್ತರಾಖಂಡ: ಸಂಕಷ್ಟದಲ್ಲಿ ಕನ್ನಡಿಗರು

ಉತ್ತರಾಖಂಡ (ಏಜೆನ್ಸೀಸ್‌): ಭಾರೀ ಮಳೆಯಿಂದಾಗಿ ಉತ್ತರಾಖಂಡದಲ್ಲಿ ಪ್ರವಾಹ ಹಾಗೂ ಭೂಕುಸಿತ ಉಂಟಾಗಿದ್ದು, ಚಾರ್‌ಧಾಮ ಯಾತ್ರೆಗೆ ಹೋಗಿದ್ದ ಹಲವರು ಸಂಕಷ್ಟಕ್ಕೆ ಸಿಲುಕಿದ್ದಾರೆ.

ಬದರೀನಾಥಕ್ಕೆ ಹೋಗಿದ್ದ ಮೈಸೂರಿನ ಯಾತ್ರಿಗಳು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಜೂನ್‌ 18ರಂದು ಮೈಸೂರಿನ 42 ಮಂದಿ ಬೆಂಗಳೂರಿನಿಂದ ಯಾತ್ರೆಗೆ ಹೋಗಿದ್ದರು.

ಪ್ರವಾಹ ಹಾಗೂ ಭೂಕುಸಿತದಿಂದ ಹಲವು ಕನ್ನಡಿಗರು ಹಿಂದಿರುಗಿ ರಾಜ್ಯಕ್ಕೆ ಮರಳಲಾಗದ ಸ್ಥಿತಿಯಲ್ಲಿದ್ದಾರೆ. ಸಂಕಷ್ಟಕ್ಕೆ ಸಿಲುಕಿರುವ ಕನ್ನಡಿಗರ ರಕ್ಷಣೆಗೆ ಕ್ರಮ ಕೈಗೊಳ್ಳುವಂತೆ ಕರ್ನಾಟಕ ಸರ್ಕಾರ ದೆಹಲಿಯ ಕರ್ನಾಟಕ ಭವನದ ಅಧಿಕಾರಿಗಳಿಗೆ ಸೂಚಿಸಿದೆ.