ಗಾಂಧಿವಾದಿ ನಾರಾಯಣ ದೇಸಾಯಿ ನಿಧನ

ಅಹಮದಾಬಾದ್‌ (ಪಿಟಿಐ): ಹಿರಿಯ ಗಾಂಧಿವಾದಿ ಮತ್ತು ಗುಜರಾತ್ ವಿದ್ಯಾಪೀಠದ ವಿಶ್ರಾಂತ ಕುಲಪತಿ ನಾರಾಯಣ ದೇಸಾಯಿ (90) ಭಾನುವಾರ ಸೂರತ್‌ ಖಾಸಗಿ ಆಸ್ಪತ್ರೆಯಲ್ಲಿ ದೀರ್ಘಕಾಲದ ಅನಾರೋಗ್ಯದಿಂದ ಕೊನೆಯುಸಿರೆಳೆದರು. ಕಳೆದ ಡಿಸೆಂಬರ್‌ನಿಂದ ಅವರು ಪ್ರಜ್ಞಾಹೀನ ಸ್ಥಿತಿಯಲ್ಲಿದ್ದರು.

ಅವರಿಗೆ ಒಬ್ಬ ಪುತ್ರ ಮತ್ತು ಪುತ್ರಿ ಇದ್ದಾರೆ.  ದೇಸಾಯಿ ಅವರ ತಂದೆ ಮಹಾದೇವ್ ದೇಸಾಯಿ ಅವರು ಮಹಾತ್ಮ ಗಾಂಧಿ ಅವರ ಆಪ್ತ ಕಾರ್ಯದರ್ಶಿಯಾಗಿದ್ದರು. ಗಾಂಧೀಜಿ ಅವರ  ದಿನಚರಿಯನ್ನೂ ಬರೆಯುತ್ತಿದ್ದರು.  

ದೇಸಾಯಿ ತಮ್ಮ ಬಾಲ್ಯದ ದಿನಗಳವನ್ನು ಸಬರಮತಿ ಆಶ್ರಮದಲ್ಲಿ ­ಕಳೆದಿದ್ದರು. ಜಯಪ್ರಕಾಶ್‌ ನಾರಾಯಣ ಅವರಿಂದಲೂ ದೇಸಾಯಿ ಪ್ರಭಾವಿತರಾಗಿದ್ದರು.