ಗಾಡ್ಗೀಳ್ ವರದಿ ನಿರಾಕರಣೆ
ಪಶ್ಚಿಮಘಟ್ಟ: ಕಸ್ತೂರಿ ರಂಗನ್‌ ವರದಿಗೆ ಮಣೆ
ನವದೆಹಲಿ(ಪಿಟಿಐ): ಪಶ್ಚಿಮ ಘಟ್ಟಗಳ ಸಂರಕ್ಷಣೆ ಕುರಿತ ಮಾಧವ ಗಾಡ್ಗೀಳ್ ಸಮಿತಿ ವರದಿಯನ್ನು ತಿರಸ್ಕರಿಸಿರುವ ಕೇಂದ್ರ ಸರ್ಕಾರ ಕಸ್ತೂರಿ ರಂಗನ್‌ ಸಮಿತಿ ವರದಿಯನ್ನು ಒಪ್ಪಿ ಕೊಳ್ಳುವುದಾಗಿ ಬುಧವಾರ ಹೇಳಿದೆ.
ರಾಷ್ಟ್ರೀಯ ಹಸಿರು ನ್ಯಾಯ ಮಂಡಳಿಯ(ಎನ್‌ಜಿಟಿ) ಮುಂದೆ ಪರಿಸರ ಮತ್ತು ಅರಣ್ಯ ಸಚಿವಾಲಯ ಸಲ್ಲಿಸಿರುವ ಪ್ರಮಾಣಪತ್ರದಲ್ಲಿ ಕಸ್ತೂರಿರಂಗನ್‌ ಸಮಿತಿಯ ಶಿಫಾರಸುಗಳನ್ನು ಪರಿಗಣಿಸುವುದಾಗಿ ತಿಳಿಸಿದೆ.
ನ್ಯಾಯಮೂರ್ತಿ ಸ್ವತಂತ್ರಕುಮಾರ್‌್ ಅವರ ನೇತೃತ್ವದ ನ್ಯಾಯಮಂಡಳಿ, ಎರಡೂ ಸಮಿತಿಗಳ ವರದಿ ಕುರಿತು ಅಭಿಪ್ರಾಯ ಸ್ಪಷ್ಟಪಡಿಸುವಂತೆ ಅರಣ್ಯ ಮತ್ತು ಪರಿಸರ ಸಚಿವಾಲಯಕ್ಕೆ ತಿಳಿಸಿತ್ತು.
ನ್ಯಾಯಮಂಡಳಿಯು, ಗೋವಾ ಪ್ರತಿಷ್ಠಾನ ಮತ್ತು ಪೀಸ್‌ಪುಲ್‌ ಸೊಸೈಟಿ ಎಂಬ ಎರಡು ಸರ್ಕಾರೇತರ ಸಂಸ್ಥೆಗಳು ಸಲ್ಲಿಸಿದ್ದ ಅರ್ಜಿಯ ವಿಚಾರಣೆ ನಡೆಸುತ್ತಿತ್ತು.
ಸೆಪ್ಟೆಂಬರ್‌ 9ರಂದು ಈ ಕುರಿತು ಮತ್ತಷ್ಟು ಸ್ಪಷ್ಟ ಅಭಿಪ್ರಾಯ ತಿಳಿಸುವಂತೆ ನ್ಯಾಯಮಂಡಳಿ ಪರಿಸರ ಸಚಿವಾಲಯಕ್ಕೆ ಸೂಚಿಸಿದೆ.
ಮಾಧವ ಗಾಡ್ಗೀಳ್ ಸಮಿತಿಯು 2011 ರ ಆ.31 ರಂದು ವರದಿ ನೀಡಿತ್ತು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.