ಚಾರ್‌ಧಾಮ್‌ ರೈಲುಮಾರ್ಗಕ್ಕೆ ಅಂತಿಮ ಸ್ಥಳ ಸಮೀಕ್ಷೆ

ನವದೆಹಲಿ: ಚಾರ್‌ಧಾಮ್ ಕ್ಷೇತ್ರಗಳಾದ ಯಮುನೋತ್ರಿ, ಗಂಗೋತ್ರಿ, ಕೇದಾರನಾಥ ಮತ್ತು ಬದರಿನಾಥಗಳಿಗೆ ರೈಲು ಸಂಪರ್ಕ ಕಲ್ಪಿಸುವ ಯೋಜನೆಯ ಅಂತಿಮ ಸ್ಥಳ ಸಮೀಕ್ಷೆ ಮೇ 13ರಿಂದ ಆರಂಭವಾಗಲಿದೆ.

ಈ ಹಿಂದೆ ಉದ್ದೇಶಿತ ಮಾರ್ಗದ ಎಂಜಿನಿಯರಿಂಗ್ ಸ್ಥಳ ಸಮೀಕ್ಷೆ ನಡೆದಿದೆ. ಅತ್ಯಂತ ಹತ್ತಿರದ ಮತ್ತು ಕಡಿಮೆ ವೆಚ್ಚ ತಗಲುವ ಮಾರ್ಗವನ್ನು ಗುರುತಿಸುವ ಕೆಲಸ ಅಂತಿಮ ಸಮೀಕ್ಷೆಯಲ್ಲಿ ನಡೆಯಲಿದೆ ಎಂದು ಮೂಲಗಳು ತಿಳಿಸಿವೆ.