3 ವರ್ಷಗಳಲ್ಲಿ 1.12 ಲಕ್ಷ ದಿನಗೂಲಿ ನೌಕರರ ಆತ್ಮಹತ್ಯೆ: ಕೇಂದ್ರ ಸರ್ಕಾರ

ನವದೆಹಲಿ: ಕಳೆದ ಮೂರು ವರ್ಷಗಳಲ್ಲಿ (2019ರಿಂದ 2021ರವರೆಗೆ) ಒಟ್ಟು 1.12 ಲಕ್ಷ ದಿನಗೂಲಿ ನೌಕರರು ಆತ್ಮಹತ್ಯೆಗೆ ಶರಣಾಗಿದ್ದಾರೆ ಎಂದು ಕೇಂದ್ರ ಕಾರ್ಮಿಕ ಸಚಿವ ಭೂಪೇಂದ್ರ ಯಾದವ್ ಸೋಮವಾರ ಲೋಕಸಭೆಗೆ ತಿಳಿಸಿದರು. ರಾಷ್ಟ್ರೀಯ ಅ‍ಪರಾಧ ದಾಖಲೆಗಳ ದಳ ನೀಡಿರುವ ವರದಿಯನ್ನು ಉಲ್ಲೇಖಿಸಿ ಅವರು ಈ ಮಾಹಿತಿ ನೀಡಿದರು.

ಇದೇ ಅವಧಿಯಲ್ಲಿ 66,912 ಗೃಹಿಣಿಯರು, 53,661 ಸ್ವ ಉದ್ಯೋಗಿಗಳು, 43,420 ವೇತನದಾರರು ಮತ್ತು 43,385 ನಿರುದ್ಯೋಗಿಗಳು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಸಚಿವರು ತಿಳಿಸಿದರು.

ಈ ಮೂರು ವರ್ಷಗಳಲ್ಲಿ 35,950 ವಿದ್ಯಾರ್ಥಿಗಳು, 31,839 ಕೃಷಿಕರು ಮತ್ತು ಕೃಷಿ ಕಾರ್ಮಿಕರು ಕೂಡ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ವಿವರಿಸಿದರು.