ಅಕ್ರಮ ವಲಸಿಗರಿಗೆ 5 ವರ್ಷ ಜೈಲು

ಲಖನೌ : ಅಕ್ರಮವಾಗಿ ದೇಶ ದಲ್ಲಿ ನೆಲೆಸಿದ್ದ ಮೂವರು ಬಾಂಗ್ಲಾ ದೇಶದ ಪ್ರಜೆಗಳಿಗೆ ಇಲ್ಲಿನ ನ್ಯಾಯಾಲಯ ಐದು ವರ್ಷಗಳ ಜೈಲು ಮತ್ತು ತಲಾ ₹ 19 ಸಾವಿರ ದಂಡ ವಿಧಿಸಿದೆ.

ದಂಡ ಭರಿಸಲು ವಿಫಲವಾದಲ್ಲಿ ಮತ್ತೆ ಆರು ತಿಂಗಳು ಜೈಲು ಶಿಕ್ಷೆ ಅನುಭವಿಸಬೇಕು ಎಂದು ವಿಶೇಷ ನ್ಯಾಯಾಧೀಶ ಸಂಜೀವ್‌ ಕುಮಾರ್‌ ತೀರ್ಪಿನಲ್ಲಿ ತಿಳಿಸಿದ್ದಾರೆ.

ನಕಲಿ ಪಾಸ್‌ಪೋರ್ಟ್ ಮತ್ತು ವೀಸಾ ಬಳಸಿ ಅಕ್ರಮವಾಗಿ ದೇಶವನ್ನು ಪ್ರವೇಶಿಸಿದ್ದ ಇವರು, 2017ರಲ್ಲಿ ಅಮೃತಸರ– ಹೌರಾ ರೈಲಿನಲ್ಲಿ ಪ್ರಯಾಣಿಸಲು ಯತ್ನಿಸಿದ್ದಾಗ ಭಯೋತ್ಪಾದನೆ ನಿಗ್ರಹ ಪಡೆ(ಎಟಿಎಸ್‌) ಬಂಧಿಸಿತ್ತು.