ದೇಶದ ಜೈಲುಗಳಲ್ಲಿ 4.27 ಲಕ್ಷ ಮಂದಿ ವಿಚಾರಣಾಧೀನ ಕೈದಿಗಳು: ಕೇಂದ್ರ ಸರ್ಕಾರ

ನವದೆಹಲಿ: 2021 ಡಿಸೆಂಬರ್ 31ರ ವರೆಗಿನ ಅಂಕಿ –ಅಂಶಗಳ ಪ್ರಕಾರ ದೇಶದ ವಿವಿಧ ಜೈಲುಗಳಲ್ಲಿ 4.27 ಲಕ್ಷ ಮಂದಿ ವಿಚಾರಣಾಧೀನ ಕೈದಿಗಳಿದ್ದಾರೆ ಎಂದು ಕೇಂದ್ರ ಗೃಹ ಖಾತೆಯ ರಾಜ್ಯ ಸಚಿವ ಅಜಯ್‌ ಕುಮಾರ್‌ ಮಿಶ್ರಾ ಮಂಗಳವಾರ ಲೋಕಸಭೆಯಲ್ಲಿ ತಿಳಿಸಿದ್ದಾರೆ.

2014ರ ಡಿಸೆಂಬರ್ 31ರಂದು 2.82 ಲಕ್ಷ ಇದ್ದ ವಿಚಾರಣಾಧೀನ ಕೈದಿಗಳ ಸಂಖ್ಯೆಯು 2021ರ ಡಿಸೆಂಬರ್ 31ಕ್ಕೆ 4.27ಲಕ್ಷಕ್ಕೆ ಏರಿಕೆಯಾಗಿದೆ ಎಂದೂ ವಿವರಿಸಿದ್ದಾರೆ.

ಇವರಲ್ಲಿ 90,037 ಮಂದಿ ಪರಿಶಿಷ್ಟ ಜಾತಿಗೆ ಸೇರಿದ ಮತ್ತು 42,211 ಮಂದಿ ಪರಿಶಿಷ್ಟ ಪಂಗಡಕ್ಕೆ ಸೇರಿದ ವಿಚಾರಣಾಧೀನ ಕೈದಿಗಳಿದ್ದಾರೆ. 1.51 ಲಕ್ಷ ಮಂದಿ ಇತರ ಹಿಂದುಳಿದ ವರ್ಗಗಳಿಗೆ ಸೇರಿದವರಾಗಿದ್ದಾರೆ ಎಂದೂ ಸಚಿವರು ವಿವರಿಸಿದ್ದಾರೆ.