ಕೇರಳ: ನಟ, ಗಾಯಕ ಪಿ.ಎಸ್.ಫರೀದುದ್ದೀನ್ ಬಂಧನ

ಇಡುಕ್ಕಿ: ನಿಷೇಧಿತ ಮಾದಕ ವಸ್ತುಗಳನ್ನು ಹೊಂದಿದ್ದ ಆರೋಪದಡಿ ನಟ ಮತ್ತು ಗಾಯಕ ಪಿ.ಎಸ್.ಫರೀದುದ್ದೀನ್ ಮತ್ತು ಅವರ ಸ್ನೇಹಿತರೊಬ್ಬರನ್ನು ಬಂಧಿಸಲಾಗಿದೆ ಎಂದು ಅಬಕಾರಿ ಅಧಿಕಾರಿಗಳು ಭಾನುವಾರ ತಿಳಿಸಿದ್ದಾರೆ.

ಪುಳಿಕಾನಂ ಬಳಿ ಶನಿವಾರ ವಾಹನ ತಪಾಸಣೆ ವೇಳೆ 10.5 ಗ್ರಾಂ ನಿಷೇಧಿತ ಎಂಡಿಎಂಎ ಮತ್ತು 9 ಗ್ರಾಂ ಗಾಂಜಾ ಫರೀದುದ್ದೀನ್ ಅವರ ಕಾರಿನಲ್ಲಿ ಪತ್ತೆಯಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಪಿ.ಎಸ್.ಫರೀದುದ್ದೀನ್ ಅನೇಕ ಚಲನಚಿತ್ರಗಳಲ್ಲಿ ನಟಿಸಿದ್ದು, ಜನಪ್ರಿಯ ಟಿ.ವಿ. ಕಾರ್ಯಕ್ರಮ ‘ಬಿಗ್‌ ಬಾಸ್‌’ ಆವೃತ್ತಿಯೊಂದರಲ್ಲಿ ಭಾಗವಹಿಸಿದ್ದರು.