ರಾಜ್ಯಸಭೆ: 27 ಸದಸ್ಯರು ಶತಕೋಟಿ ಒಡೆಯರು

ಬೆಂಗಳೂರು: ರಾಜ್ಯಸಭಾ ಸದಸ್ಯರ ವಿದ್ಯಾರ್ಹತೆ, ಆಸ್ತಿ ವಿವರ, ಅವರ ಮೇಲಿರುವ ಅಪರಾಧ ಪ್ರಕರಣಗಳ ಕುರಿತ ವಿಸ್ತೃತ ವರದಿಯನ್ನು ಅಸೋಸಿಯೇಷನ್‌ ಫಾರ್‌ ಡೆಮೊಕ್ರಟಿಕ್‌ ರಿಫಾರ್ಮ್ಸ್ (ಎಡಿಆರ್‌) ಬಿಡುಗಡೆ ಮಾಡಿದ್ದು, ಒಟ್ಟು ಸದಸ್ಯರ ಪೈಕಿ 27 (ಶೇ 12) ಸದಸ್ಯರು ಶತಕೋಟ್ಯಧಿಪತಿಗಳು ಎಂದು ತಿಳಿದುಬಂದಿದೆ. ಇವರಲ್ಲಿ ಆಂಧ್ರ ಪ್ರದೇಶ ಹಾಗೂ ತೆಲಂಗಾಣ ರಾಜ್ಯಗಳ ಸಂಸದರೇ ಹೆಚ್ಚು ಶ್ರೀಮಂತರು ಎಂದು ವರದಿಯಲ್ಲಿ ಹೇಳಲಾಗಿದೆ.

ಎಡಿಆರ್‌ ಹಾಗೂ ನ್ಯಾಷನಲ್‌ ಎಲೆಕ್ಷನ್‌ ವಾಚ್‌ ಸಂಸ್ಥೆಗಳು ಜಂಟಿಯಾಗಿ ವರದಿ ಸಿದ್ಧಪಡಿಸಿದ್ದು, ಒಟ್ಟು 250 ಸದಸ್ಯರ ಪೈಕಿ 225 ಸಂಸದರ ವಿವರಗಳನ್ನು ಮಾತ್ರ ವರದಿಗಾಗಿ ಪರಿಗಣಿಸಲಾಗಿದೆ.