ನವಿ ಮುಂಬೈ | ₹1 ಕೋಟಿ ಮೌಲ್ಯದ ಕೊಕೇನ್‌ ವಶ: ಆರೋಪಿ ಬಂಧನ

ಠಾಣೆ: ನವಿ ಮುಂಬೈನಲ್ಲಿ ₹1.02 ಕೋಟಿ ಮೌಲ್ಯದ ಕೊಕೇನ್‌ ಹೊಂದಿದ್ದ 36 ವರ್ಷದ ಆಫ್ರಿಕಾ ಮೂಲದ ಪ್ರಜೆಯನ್ನು ಪೊಲೀಸರು ಬಂಧಿಸಿದ್ದಾರೆ ಎಂದು ಅಧಿಕಾರಿಗಳು ಬುಧವಾರ ತಿಳಿಸಿದ್ದಾರೆ. 

ಸುಳಿವಿನ ಮೇರೆಗೆ, ನವಿ ಮುಂಬೈನ ಮಾನವ ಕಳ್ಳಸಾಗಣೆ ವಿರೋಧಿ ಕೇಂದ್ರದ ಪೊಲೀಸರು ಉಲ್ವೆ ಪ್ರದೇಶದ ಮನೆಯೊಂದರ ಮೇಲೆ ಸೋಮವಾರ ದಾಳಿ ನಡೆಸಿ, 412 ಗ್ರಾಂ ಕೊಕೇನ್‌ ಅನ್ನು ವಶಪಡಿಸಿಕೊಂಡಿದ್ದು, ಆರೋಪಿಯನ್ನು ಬಂಧಿಸಲಾಗಿದೆ.

ಕೊಕೇನ್‌ ಅನ್ನು ಎಲ್ಲಿಂದ ತಂದಿದ್ದಾರೆ ಮತ್ತು ಯಾರಿಗೆ ಮಾರಾಟ ಮಾಡುತ್ತಿದ್ದರು ಎಂಬ ಕುರಿತು ವಿಚಾರಣೆ ನಡೆಯುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.