ಉತ್ತರಪ್ರದೇಶ | ಅಂಬೇಡ್ಕರ್‌ ಪ್ರತಿಮೆ ಧ್ವಂಸ; ಪ್ರಕರಣ ದಾಖಲು

ಬಲ್ಲಿಯಾ (ಉತ್ತರಪ್ರದೇಶ): ಇಲ್ಲಿನ ಗಾದ್ವಾರ್‌ ‍ಪ್ರದೇಶದಲ್ಲಿದ್ದ ಡಾ.ಬಿ.ಆರ್‌.ಅಂಬೇಡ್ಕರ್‌ ಪ್ರತಿಮೆಯನ್ನು ಧ್ವಂಸಗೊಳಿಸಿದ್ದು, ಅಪರಿಚಿತ ದುಷ್ಕರ್ಮಿಗಳ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ.

ಬುಧವಾರ ರಾತ್ರಿಯೇ ಈ ಘಟನೆ ನಡೆದಿದ್ದು, ನಾರವ್‌ ಗ್ರಾಮಸ್ಥರಿಗೆ ಗುರುವಾರ ಬೆಳಿಗ್ಗೆ ಗಮನಕ್ಕೆ ಬಂದಿದೆ. ಪ್ರತಿಮೆಯ ಮುಖವು ಸಂಪೂರ್ಣವಾಗಿ ವಿರೂಪಗೊಂಡಿದ್ದು, ಕೈ ಬೆರಳು ಮುರಿದಿವೆ. 

‘ಮಾಹಿತಿ ತಿಳಿಯುತ್ತಿದ್ದಂತೆ ಸಿಬ್ಬಂದಿ ಸ್ಥಳಕ್ಕೆ ತೆರಳಿ ಪ್ರತಿಮೆಯನ್ನು ಸರಿಪಡಿಸಿ, ಶುಚಿಗೊಳಿಸಿದರು’ ಸ್ಥಳೀಯ ಠಾಣಾಧಿಕಾರಿ ಮೂಲ್‌ಚಂದ್‌ ಚೌರಾಸಿಯಾ ತಿಳಿಸಿದರು.