ಆಂಧ್ರಪ್ರದೇಶದ ಮುಖ್ಯಮಂತ್ರಿ ಚಂದ್ರಬಾಬು ನಾಯ್ಡು ತಮ್ಮ ರಾಮಮೂರ್ತಿ ನಿಧನ

ಹೈದರಾಬಾದ್‌: ಆಂಧ್ರ ಪ್ರದೇಶದ ಮುಖ್ಯಮಂತ್ರಿ ಎನ್‌. ಚಂದ್ರಬಾಬು ನಾಯ್ಡು ಅವರ ತಮ್ಮ ಹಾಗೂ ಮಾಜಿ ಶಾಸಕ ಎನ್‌. ರಾಮಮೂರ್ತಿ ನಾಯ್ಡು (72) ಅವರು ಶನಿವಾರ ನಿಧನರಾದರು.

ರಾಮಮೂರ್ತಿ ಅವರಿಗೆ ನ. 14ರಂದು ಹೃದಯ ಸ್ಥಂಭನವಾಗಿತ್ತು. ಕೂಡಲೇ ಅವರನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಯಿತು. ಆದರೆ ಕಡಿಮೆ ರಕ್ತದೊತ್ತಡ ಹಾಗೂ ಇತರ ಸಮಸ್ಯೆಗಳಿಂದ ಅವರ ಆರೋಗ್ಯ ಚೇತರಿಕೆ ಕಾಣಲಿಲ್ಲ. ಅವರು ಶನಿವಾರ ಮಧ್ಯಾಹ್ನ 12.45ಕ್ಕೆ ಮೃತಪಟ್ಟರು ಎಂದು ಆಸ್ಪತ್ರೆಯ ಪ್ರಕಟಣೆ ತಿಳಿಸಿದೆ.

1994ರಿಂದ 1999ರವರೆಗೆ ರಾಮಮೂರ್ತಿ ಅವರು ಆಂಧ್ರದ ಚಂದ್ರಗಿರಿ ಕ್ಷೇತ್ರದ ಶಾಸಕರಾಗಿದ್ದರು. ಅವರ ಪುತ್ರ ನಾರಾ ರೋಹಿತ್‌ ತೆಲುಗಿನ ಖ್ಯಾತ ನಟರಾಗಿದ್ದಾರೆ.