ಬಾಬಾ ಸಿದ್ಧೀಕಿ ಹತ್ಯೆ: ಮತ್ತೊಬ್ಬನ ಬಂಧನ

ಮುಂಬೈ: ಎನ್‌ಸಿಪಿ ಮುಖಂಡ ಬಾಬಾ ಸಿದ್ದೀಕಿ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮತ್ತೊಬ್ಬ ಪ್ರಮುಖ ಆರೋಪಿಯನ್ನು ಮುಂಬೈ ಪೊಲೀಸರು ಹರಿಯಾಣದಲ್ಲಿ ಮಂಗಳವಾರ ಸಂಜೆ ಬಂಧಿಸಿದ್ದಾರೆ.

ಅಮಿತ್ ಹಿಸಾಮ್‌ಸಿಂಗ್ ಕುಮಾರ್‌ (29) ಬಂಧಿತ. ಹರಿಯಾಣದಿಂದ ಈತನನ್ನು ಮುಂಬೈಗೆ ಬುಧವಾರ ಬೆಳಿಗ್ಗೆ ಕರೆತಂದಿದ್ದಾರೆ.

ಪೊಲೀಸ್‌ ಕಸ್ಟಡಿಯಲ್ಲಿರುವ ಶೂಟರ್‌ ಗುರ್ಮೇಲ್‌ ಸಿಂಗ್‌ ಹಾಗೂ ನಾಪತ್ತೆಯಾಗಿರುವ ಪ್ರಕರಣದ ಸೂತ್ರಧಾರಿ ಮೊಹಮ್ಮದ್‌ ಜೀಶನ್ ಅಖ್ತರ್‌ ನಡುವೆ ಅಮಿತ್‌ ಪ್ರಮುಖ ಕೊಂಡಿಯಾಗಿದ್ದ ಎಂದು ಪೊಲೀಸರು ಬುಧವಾರ ತಿಳಿಸಿದ್ದಾರೆ.

ಸಿದ್ದೀಕಿ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮುಂಬೈ ಪೊಲೀಸರ ವಶದಲ್ಲಿರುವ ಆರೋಪಿಗಳ ಸಂಖ್ಯೆ ಈಗ 11ಕ್ಕೆ ಏರಿಕೆಯಾಗಿದೆ.

Highlights - null