ಬಿಹಾರ: ಕ್ರಿಕೆಟಿಗ ಇಶಾನ್‌ ತಂದೆ ಜೆಡಿಯು ಸೇರ್ಪಡೆ

ಪಟ್ನಾ: ಭಾರತದ ಕ್ರಿಕೆಟಿಗ ಇಶಾನ್‌ ಕಿಶನ್‌ ಅವರ ತಂದೆ ಪ್ರಣವ್‌ ಕುಮಾರ್‌ ಪಾಂಡೆ ಅವರು ಪಕ್ಷದ ಪ್ರಮುಖರ ಸಮ್ಮುಖದಲ್ಲಿ ಭಾನುವಾರ ಜೆಡಿಯು ಸೇರ್ಪಡೆಗೊಂಡರು.

ಪಕ್ಷ ಸೇರ್ಪಡೆ ಬಳಿಕ ಮಾತನಾಡಿದ ಪಾಂಡೆ, ‘ಮತ್ತೊಮ್ಮೆ ಪಕ್ಷಕ್ಕೆ ಹಿಂತಿರುಗಿದ್ದು ನನಗೆ ಅತೀವ ಸಂತಸ ನೀಡಿದೆ. ನಮ್ಮ ನಾಯಕ ನಿತೀಶ್‌ ಕುಮಾರ್‌ ಅವರು ನನಗೆ ಯಾವಾಗಲೂ ಸ್ಫೂರ್ತಿದಾಯಕ ವ್ಯಕ್ತಿ’ ಎಂದರು.

‘ಪಾಂಡೆ ಅವರು ಎಂದಿಗೂ ಪಕ್ಷ ಬಿಟ್ಟಿರಲಿಲ್ಲ. ತಮ್ಮ ಮಗನನ್ನು ಅಂತರರಾಷ್ಟ್ರೀಯ ಮಟ್ಟದ ಕ್ರಿಕೆಟಿಗನನ್ನಾಗಿ ಮಾಡಲು ಪಕ್ಷದ ಚಟುವಟಿಕೆಗಳಿಂದ ವಿರಾಮ ತೆಗೆದುಕೊಂಡಿದ್ದರಷ್ಟೆ’ ಎಂದು ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ಸಂಜಯ್‌ ಕುಮಾರ್‌ ಝಾ ತಿಳಿಸಿದರು.