ಚೆನ್ನೈ | ಬಾಂಬ್ ಬೆದರಿಕೆ: ವಿಮಾನ ಹಾರಾಟ 2 ಗಂಟೆ ವಿಳಂಬ

ಚೆನ್ನೈ: ಬಾಂಬ್ ಬೆದರಿಕೆಯ ಕರೆಯಿಂದಾಗಿ ಚೆನ್ನೈನಿಂದ ಕೋಲ್ಕತ್ತಾಗೆ ತೆರಳುತ್ತಿದ್ದ ಇಂಡಿಗೊ ವಿಮಾನವು ಸೋಮವಾರ ಎರಡು ಗಂಟೆ ವಿಳಂಬವಾಗಿ ತನ್ನ ಪ್ರಯಾಣ ಆರಂಭಿಸಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. 

ಇಲ್ಲಿನ ತುರೈಪಕ್ಕಂ ಎಂಬಲ್ಲಿರುವ ಇಂಡಿಗೊ ಕಾಲ್ ಸೆಂಟರ್‌ಗೆ ಕರೆ ಮಾಡಿ ಬಾಂಬ್ ಬೆದರಿಕೆ ಹಾಕಲಾಗಿತ್ತು. ಇದರಿಂದಾಗಿ ವಿಮಾನವನ್ನು ಪ್ರತ್ಯೇಕ ಸ್ಥಳಕ್ಕೆ ಕೊಂಡೊಯ್ದ ಅಧಿಕಾರಿಗಳು, ಕೂಲಂಕಷವಾಗಿ ವಿಮಾನವನ್ನು ಪರಿಶೀಲಿಸಿದರು. ಭದ್ರತಾ ಪ್ರಕ್ರಿಯೆಗಳು ಮುಕ್ತಾಯಗೊಂಡ ಬಳಿಕ ಬೆಳಿಗ್ಗೆ 10.30ಕ್ಕೆ ಚೆನ್ನೈನಿಂದ ಈ ವಿಮಾನ ಹೊರಟಿತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.