ತಂದೆ ಭೇಟಿಯಾದ ಕವಿತಾ: ಮಗಳನ್ನು ಕಂಡು ಭಾವುಕರಾದ ಕೆಸಿಆರ್

ಹೈದರಾಬಾದ್: ತಿಹಾರ್‌ ಜೈಲಿನಿಂದ ಬಿಡುಗಡೆಯಾಗಿ ಹೈದರಾಬಾದ್‌ಗೆ ಬಂದ ಬಿಆರ್‌ಎಸ್‌ ಪಕ್ಷದ ವಿಧಾನಪರಿಷತ್‌ ಸದಸ್ಯೆ ಕೆ.ಕವಿತಾ ಅವರು ಗುರುವಾರ ತೆಲಂಗಾಣದ ಮಾಜಿ ಮುಖ್ಯಮಂತ್ರಿ ಹಾಗೂ ತಮ್ಮ ತಂದೆ ಕೆ.ಚಂದ್ರಶೇಖರರಾವ್‌ ಅವರನ್ನು ಭೇಟಿಯಾಗಿ ಆಶೀರ್ವಾದ ಪಡೆದುಕೊಂಡರು.

ಎರ್ರವೆಲ್ಲಿಯಲ್ಲಿರುವ ನಿವಾಸಕ್ಕೆ ತೆರಳಿ ಕೆಸಿಆರ್‌ ಅವರನ್ನು ಭೇಟಿಯಾಗಿ ಆಶೀರ್ವಾದ ಪಡೆದುಕೊಂಡರು. ಈ ವೇಳೆ ಬಿಆರ್‌ಎಸ್‌ ಮುಖಂಡರು ಸಾಂಪ್ರದಾಯಿಕವಾಗಿ ಬರಮಾಡಿಕೊಂಡರು.

ಐದು ತಿಂಗಳ ಬಳಿಕ ಮಗಳು ಕವಿತಾರನ್ನು ಭೇಟಿಯಾದ ವೇಳೆ ಚಂದ್ರಶೇಖರ್‌ ಭಾವುಕರಾದರು.

ದೆಹಲಿ ಅಬಕಾರಿ ನೀತಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಂಗಳವಾರ ಸುಪ್ರೀಂ ಕೋರ್ಟ್‌ ಕೆ.ಕವಿತಾ ಅವರಿಗೆ ಜಾಮೀನು ನೀಡಿತ್ತು.