ಸಂಸತ್‌ ಸ್ಥಾನದಿಂದ ಅಫ್ಜಲ್‌ ಅನ್ಸಾರಿ ಅನರ್ಹ

ನವದೆಹಲಿ (ಪಿಟಿಐ): ಅಪಹರಣ ಮತ್ತು ಕೊಲೆ ಪ್ರಕರಣದಲ್ಲಿ ಭಾಗಿಯಾದ ಆರೋಪ ಸಾಬೀತಾದ ಹಿನ್ನೆಲೆಯಲ್ಲಿ ಉತ್ತರ ಪ್ರದೇಶದ ಜನಪ್ರತಿನಿಧಿಗಳ ನ್ಯಾಯಾಲಯದಿಂದ ನಾಲ್ಕು ವರ್ಷ ಶಿಕ್ಷೆಗೆ ಗುರಿಯಾಗಿರುವ ಘಾಜಿಪುರ ಲೋಕಸಭಾ ಕ್ಷೇತ್ರದ ಬಿಎಸ್‌ಪಿ ಸಂಸದ ಅಫ್ಜಲ್‌ ಅನ್ಸಾರಿ ಅವರನ್ನು ಸದಸ್ಯತ್ವದಿಂದ ಅನರ್ಹಗೊಳಿಸಲಾಗಿದೆ.

‌ಶನಿವಾರ ಜನಪ್ರತಿನಿಧಿಗಳ ನ್ಯಾಯಾಲಯವು ಗ್ಯಾಂಗ್‌ಸ್ಟರ್‌ ಮುಖ್ತಾರ್‌ ಅನ್ಸಾರಿ ಮತ್ತು ಆತನ ಸಹೋದರ, ಸಂಸದ ಅಫ್ಜಲ್‌ ಅನ್ಸಾರಿಗೆ ಶಿಕ್ಷೆ ವಿಧಿಸಿತ್ತು.  

2005ರಲ್ಲಿ ಕೃಷ್ಣಾನಂದ ರೈ ಕೊಲೆ, 1997ರಲ್ಲಿ ನಡೆದ ವಾರಾಣಸಿ ಮೂಲದ ವ್ಯಾಪಾರಿ ನಂದಕಿಶೋರ್‌ ರುಂಗ್ತ ಅಪಹರಣ ಮತ್ತು ಕೊಲೆ ಸಂಬಂಧ ಈ ಇಬ್ಬರ ವಿರುದ್ಧ ಪ್ರಕರಣ ದಾಖಲಾಗಿತ್ತು.