₹538 ಕೋಟಿ ವಂಚನೆ: ಜೆಟ್ ಏರ್‌ವೇಸ್ ಕಚೇರಿ, ಸಂಸ್ಥಾಪಕ ಗೋಯಲ್ ಮನೆ ಮೇಲೆ ಸಿಬಿಐ ದಾಳಿ

ಮುಂಬೈ: ಕೆನರಾ ಬ್ಯಾಂಕ್‌ಗೆ ₹538 ಕೋಟಿ ವಂಚನೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಜೆಟ್ ಏರ್‌ವೇಸ್ ಕಚೇರಿ ಮತ್ತು ಸಂಸ್ಥಾಪಕ ನರೇಶ್ ಗೋಯಲ್ ಅವರ ಮನೆ, ಕಚೇರಿ ಮೇಲೆ ಶನಿವಾರ ಸಿಬಿಐ ದಾಳಿ ನಡೆಸಿದೆ.

ಗೋಯಲ್, ಅವರ ಪತ್ನಿ ಅನಿತಾ ಮತ್ತು ಏರ್‌ಲೈನ್ಸ್‌ ಮಾಜಿ ನಿರ್ದೆಶಕ ಗೌರಂಗ್ ಆನಂದ್ ಶೆಟ್ಟಿ ಅವರ ನಿವಾಸ ಹಾಗೂ ಕಚೇರಿಗಳ ಮೇಲೆ ದಾಳಿ ನಡೆದಿದೆ.

ಕೆನರಾ ಬ್ಯಾಂಕ್‌ನ ದೂರಿನ ಆಧಾರದ ಮೇಲೆ ಗೋಯಲ್ ವಿರುದ್ಧ ₹538 ಕೋಟಿ ವಂಚನೆ ಪ್ರಕರಣ ದಾಖಲಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಹಣವನ್ನು ಬೇರೆಡೆಗೆ ವರ್ಗಾವಣೆ ಸೇರಿದಂತೆ ಹಲವು ಅಕ್ರಮ ಆರೋಪಗಳು ಕಂಪನಿ ಮೇಲಿವೆ.