ಬಲೂನ್‌ ಹೊಡೆದುರುಳಿಸಿದ ಘಟನೆ: ಅಮೆರಿಕ ನಿರ್ಣಯ ತಳ್ಳಿಹಾಕಿದ ಚೀನಾ

ಬೀಜಿಂಗ್: ಬೇಹುಗಾರಿಕೆ ನಡೆಸುವ ಉದ್ದೇಶದಿಂದ ಬಲೂನ್‌ ಹಾರಿಬಿಡಲಾಗಿದೆ ಎಂದು ಶಂಕಿಸಿ, ಖಂಡನಾ ನಿರ್ಣಯ ಕೈಗೊಂಡಿರುವ ಅಮೆರಿಕದ ಕೆಳಮನೆಯ ಕ್ರಮವನ್ನು ಚೀನಾ ಶುಕ್ರವಾರ ತಳ್ಳಿಹಾಕಿದೆ.

ಈ ಬಲೂನ್‌ಅನ್ನು ಹೊಡೆದುರುಳಿಸಿರುವುದು ರಾಜಕೀಯ ಪಿತೂರಿಯಾಗಿದ್ದು, ಇದೇ ವಿಷಯವನ್ನು ಅಮೆರಿಕ ದೊಡ್ಡದನ್ನಾಗಿ ಮಾಡುತ್ತಿದೆ ಎಂದೂ ಚೀನಾ ಹೇಳಿದೆ.

‘ಚೀನಾ ಈ ಬಗ್ಗೆ ತೀವ್ರ ಅಸಮಾಧಾನ ಹೊಂದಿದೆ. ಇಂಥ ನಡೆಯನ್ನು ಬಲವಾಗಿ ವಿರೋಧಿಸುತ್ತದೆ’ ಎಂದು ವಿದೇಶಾಂಗ ಸಚಿವಾಲಯದ ವಕ್ತಾರ ಮಾವೊ ನಿಂಗ್ ಸುದ್ದಿಗೋಷ್ಠಿಯಲ್ಲಿ ಹೇಳಿದರು.