ಗೋವಾ: ಮಾಲಿನ್ಯ ನಿಯಂತ್ರಣ ನೌಕೆಗೆ ಚಾಲನೆ

ಪಣಜಿ: ಭಾರತೀಯ ಕೋಸ್ಟ್‌ ಗಾರ್ಡ್‌ಗಾಗಿ ಗೋವಾ ಶಿಪ್‌ಯಾರ್ಡ್ ಸುಮಾರು ₹2,500 ಕೋಟಿ ವೆಚ್ಚದಲ್ಲಿ ನಿರ್ಮಿಸಿರುವ ಮಾಲಿನ್ಯ ನಿಯಂತ್ರಣ ನೌಕೆಯನ್ನು ಗುರುವಾರ ಸೇವೆಗೆ ನಿಯೋಜಿಸಲಾಯಿತು.

‘ಈ ನೌಕೆಯು ದೇಶದ ಕಡಲ ಭದ್ರತಾ ಏಜೆನ್ಸಿಗೆ ಪ್ರಮುಖ ಆಸ್ತಿಯಾಗಲಿದೆ’ ಎಂದು ರಕ್ಷಣಾ ಖಾತೆಯ ರಾಜ್ಯ ಸಚಿವ ಸಂಜಯ್‌ ಸೇಠ್‌ ಹೇಳಿದರು.

ಇದು ಶೇ 72ರಷ್ಟು ‘ಆತ್ಮನಿರ್ಭರ’ವಾಗಿದ್ದು, ಕರಾವಳಿಯ ಮಾಲಿನ್ಯದ ವಿರುದ್ಧ ಹೋರಾಡುವ ಸಾಮರ್ಥ್ಯ ಹೊಂದಿದೆ ಎಂದು ಸಚಿವ ಸೇಠ್‌ ಸುದ್ದಿಗಾರರಿಗೆ ತಿಳಿಸಿದರು.

ದೇಶದ ತೀರಗಳನ್ನು ಅನಗತ್ಯ ಅಂಶಗಳಿಂದ ಸುರಕ್ಷಿತವಾಗಿರಿಸಲು ಭಾರತೀಯ ಕೋಸ್ಟ್‌ ಗಾರ್ಡ್‌ಗೆ ಈ ನೌಕೆ ನೆರವಾಗಲಿದೆ ಎಂದು ಅವರು ಹೇಳಿದರು.