ನೈಸರ್ಗಿಕ ಯುರೇನಿಯಂ ವಶ: ಐಎಇಎಗೆ ಮಾಹಿತಿ

ಎಟಿಎಸ್‌ ವಶಪಡಿಸಿಕೊಂಡಿದ್ದ ವಸ್ತು ನೈಸರ್ಗಿಕ ಯುರೇನಿಯಂ ಎಂದು ಬಾಬಾ ಪರಮಾಣು ಸಂಶೋಧನಾ ಕೇಂದ್ರ (ಬಿಎಆರ್‌ಸಿ) ಖಚಿತಪಡಿಸಿತ್ತು. ಸದ್ಯ ಈ ಪ್ರಕರಣವನ್ನು ರಾಷ್ಟ್ರೀಯ ತನಿಖಾ ಸಂಸ್ಥೆ (ಎನ್‌ಐಎ) ವಹಿಸಿಕೊಂಡಿದೆ.ವಶಪಡಿಸಿಕೊಂಡಿರುವ ನೈಸರ್ಗಿಕ ಯುರೇನಿಯಂ ಸದ್ಯ ಅಣು ಶಕ್ತಿ ಇಲಾಖೆಯ ಸುಪರ್ದಿಯಲ್ಲಿ ಸುರಕ್ಷಿತವಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಈ ಪ್ರಕರಣದ ಕುರಿತು ಅಂತರರಾಷ್ಟ್ರೀಯ ಪರಮಾಣು ಶಕ್ತಿ ಸಂಸ್ಥೆಯ (ಐಎಇಎ) ಕಳ್ಳಸಾಗಣೆ ದತ್ತಾಂಶ ಸಂಗ್ರಹ ವಿಭಾಗಕ್ಕೆ ವರದಿ ನೀಡಲಾಗಿದೆ ಎಂದು ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ.

ಅಣು ವಿದ್ಯುತ್‌ ಉತ್ಪಾದನೆ ಹಾಗೂ ಟೆಲಿಥೆರಪಿ ಘಟಕಗಳ ರಕ್ಷಾ ಕವಚಗಳಲ್ಲಿ ನೈಸರ್ಗಿಕ ಯುರೇನಿಯಂ ಅನ್ನು ಬಳಸಲಾಗುತ್ತಿದೆ.