ಬಿಜೆಪಿ ಸೇರಿದ ಗಾಯಕ ದಲೇರ್ ಮೆಂಹದಿ

ನವದೆಹಲಿ: ಖ್ಯಾತ ಗಾಯಕ ದಲೇರ್ ಮೆಂಹದಿ ಶುಕ್ರವಾರ ಬಿಜೆಪಿ ಸೇರಿದ್ದಾರೆ. ದೆಹಲಿಯಬಿಜೆಪಿ ಅಭ್ಯರ್ಥಿ ಗಾಯಕ ಹನ್ಸ್ ರಾಜ್ ಹನ್ಸ್ ಅವರ ಉಪಸ್ಥಿತಿಯಲ್ಲಿ ದಲೇರ್ ಮೆಂಹದಿ ಬಿಜೆಪಿ ಸೇರಿದ್ದು, ಚುನಾವಣೆಯಲ್ಲಿ ಸ್ಪರ್ಧಿಸುತ್ತಾರೆಯೇ? ಎಂಬುದರ ಬಗ್ಗೆ ಮಾಹಿತಿ ಇಲ್ಲ.
2013ರಲ್ಲಿ ದೆಹಲಿ ವಿಧಾನಸಭಾ ಚುನಾವಣೆಗೆ ಮುನ್ನ ದಲೇರ್ ಕಾಂಗ್ರೆಸ್ ಸೇರಿದ್ದರು.ಆಗ ಅವರು ಕಾಂಗ್ರೆಸ್ ಪ್ರಚಾರಕ್ಕಾಗಿ ಹಾಡೊಂದನ್ನು ಸಂಯೋಜನೆ ಮಾಡಿ ಹಾಡಿದ್ದರು.

1990ರ ದಶಕದಲ್ಲಿ ಜನಪ್ರಿಯರಾಗಿದ್ದ 51ರ ಹರೆಯದ ಈ ಗಾಯಕ ರಂಗ್ ದೇ ಬಸಂತಿ ಚಿತ್ರ ಸೇರಿದಂತೆ ಹಲವಾರು ಬಾಲಿವುಡ್ ಸಿನಿಮಾಗಳಲ್ಲಿ ಹಾಡಿದ್ದಾರೆ. ಇವರ ಸಹೋದರ ಮಿಖಾ ಸಿಂಗ್ಈಗ ಹಿಂದಿ ಚಿತ್ರರಂಗದಲ್ಲಿ ಬಹುಬೇಡಿಕೆಯ ಗಾಯಕರಾಗಿದ್ದಾರೆ.