ಬಿಹಾರ | ಹೈಪೊಗ್ಲೈಸೆಮಿಯಾದಿಂದ ಮಕ್ಕಳ ಸಾವಿನ ಸಂಖ್ಯೆ 73ಕ್ಕೆ ಏರಿಕೆ

ಮುಜಾಫರ್‌ನಗರ್:ಬಿಹಾರದ ಮುಜಾಫರ್‌ನಗರದಲ್ಲಿ ಹೈಪೊಗ್ಲೈಸೆಮಿಯಾ ಬಾಧಿಸಿ ನಾಲ್ವರು ಮಕ್ಕಳು ಶುಕ್ರವಾರ ಕೊನೆಯುಸಿರೆಳೆದಿದ್ದಾರೆ. ಒಂದು ತಿಂಗಳಲ್ಲಿ ಇಲ್ಲಿಯವರೆಗೆ ಹೈಪೊಗ್ಲೈಸೆಮಿಯಾದಿಂದ ಸಾವಿಗೀಡಾದವರ ಸಂಖ್ಯೆ 73ಕ್ಕೇರಿದೆ.

ಆದಾಗ್ಯೂ, ಇದೊಂದು ಸಾಂಕ್ರಾಮಿಕ ರೋಗ ಅಲ್ಲ, ಹೈಪೊಗ್ಲೈಸೆಮಿಯಾದಿಂದ ಇವರು ಸಾವಿಗೀಡಾಗಿದ್ದಾರೆ ಎಂದು ರಾಜ್ಯದ ಆರೋಗ್ಯಾಧಿಕಾರಿಗಳು ಹೇಳಿದ್ದಾರೆ.

ರಕ್ತದಲ್ಲಿ ಸಕ್ಕರೆ ಅಂಶ ತೀರಾ ಕಡಿಮೆಯಾದಾಗ ಅಥವಾ ದೇಹದಲ್ಲಿ ಸೋಡಿಯಂ ಅಥವಾ ಪೊಟಾಶಿಯಂ ಕೊರತೆಯುಂಟಾಗುವ ಸ್ಥಿತಿಯೇ ಹೈಪೊಗ್ಲೈಸೆಮಿಯಾ.

ಮುಜಾಫರ್‌ನಗರದ ಜಿಲ್ಲಾಡಳಿತದ ಪ್ರಕಟಣೆ ಪ್ರಕಾರ ಇಬ್ಬರು ಜೂನ್ 1ರಿಂದ ಇಲ್ಲಿಯವರೆಗೆ ಅಕ್ಯೂಟ್ ಎನ್ಸೆಫಾಲಿಟೆಸ್ ಸಿಂಡ್ರೊಮ್ (ಎಇಎಸ್) ಬಾಧಿತ 117ಕ್ಕೂ ಹೆಚ್ಚು ಪ್ರಕರಣಗಳು ದಾಖಲಾಗಿವೆ.

* ಇದನ್ನೂ ಓದಿ:ವೈದ್ಯರ ಮೇಲೆ ಹಲ್ಲೆ | ದೀದಿ ನಾಡಲ್ಲಿ ಯಾಕಾಯ್ತು?ಮುಂದೇನಾಯ್ತು? #SaveTheDoctors

ಶ್ರೀ ಕೃಷ್ಣ ಮೆಡಿಕಲ್‌ ಕಾಲೇಜು ಮತ್ತು ಆಸ್ಪತ್ರೆಯಲ್ಲಿ 58 ಮಕ್ಕಳು ಮೃತಪಟ್ಟಿದ್ದಾರೆ.

ಖಾಸಗಿ ಕೇಜ್ರಿವಾಲ್ ಆಸ್ಪತ್ರೆಯಲ್ಲಿ 55ಕ್ಕೂ ಹೆಚ್ಚು ಪ್ರಕರಣಗಳು ದಾಖಲಾಗಿದ್ದು ಇದರಲ್ಲಿ 11 ಮಂದಿ ಮಕ್ಕಳು ಸಾವಿಗೀಡಾಗಿದ್ದಾರೆ ಎಂದು ವರದಿಯಾಗಿದೆ.