ಸೇನೆ ಹಾರ್ಡ್ವೇರ್: ₹ 84 ಸಾವಿರ ಕೋಟಿ ಮೌಲ್ಯದ ಖರೀದಿಗೆ ಒಪ್ಪಿಗೆ
Published 16 ಫೆಬ್ರುವರಿ 2024, 13:19 IST
-
ನವದೆಹಲಿ: ಕಡಲ ಗಡಿ ರಕ್ಷಣೆಯಲ್ಲಿ ಬಹುವಿಧದ ಕಾರ್ಯ ನಿರ್ವಹಿಸಬಲ್ಲ ಯುದ್ಧವಿಮಾನ ಸೇರಿದಂತೆ ಸೇನೆಗೆ ಅಗತ್ಯವಿರುವ ₹ 84,560 ಕೋಟಿ ಮೊತ್ತದ ಹಾರ್ಡ್ವೇರ್ ಖರೀದಿಗೆ ರಕ್ಷಣಾ ಸಚಿವಾಲಯ ಶುಕ್ರವಾರ ಒಪ್ಪಿಗೆ ನೀಡಿದೆ.
ಸಶಸ್ತ್ರ ಪಡೆಗಳ ದಾಳಿ ಸಾಮರ್ಥ್ಯವನ್ನು ಹೆಚ್ಚಿಸುವ ಈ ಖರೀದಿ ಪ್ರಸ್ತಾವಕ್ಕೆ ರಕ್ಷಣಾ ಸಚಿವ ರಾಜನಾಥ್‌ ಸಿಂಗ್‌ ನೇತೃತ್ವದ ರಕ್ಷಣಾ ಖರೀದಿ ಮಂಡಳಿ (ಡಿಎಸಿ) ಅನುಮೋದನೆ ನೀಡಿತು ಎಂದು ಸಚಿವಾಲಯ ತಿಳಿಸಿದೆ.
ಈ ಪ್ರಸ್ತಾವವು, ಹೊಸ ತಲೆಮಾರಿನ ಟ್ಯಾಂಕ್‌ ನಿರೋಧಕ ವ್ಯವಸ್ಥೆ, ವಾಯುಪ್ರದೇಶದಲ್ಲಿ ನಡೆಯುವ ದಾಳಿಯನ್ನು ನಿಯಂತ್ರಿಸಬಲ್ಲ ರಾಡಾರ್‌, ನೌಕಾಪಡೆಯಲ್ಲಿ ಉಪಯೋಗಿಸುವ ಮಧ್ಯಮ ವ್ಯಾಪ್ತಿಯ ಯುದ್ಧವಿಮಾನ, ವಿಮಾನಗಳಿಗೆ ಇಂಧನ ಮರುಪೂರಣಕ್ಕೆ ನೆರವಾಗುವ ವಿಮಾನಗಳು ಹಾಗೂ ವಿವಿಧ ಸಾಫ್ಟ್‌ವೇರ್‌ಗಳನ್ನು ಒಳಗೊಂಡಿತ್ತು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.