ಅತಿಶಿಯವರು ಕೇಜ್ರಿವಾಲ್‌ಗಿಂತ 100 ಪಟ್ಟು ಉತ್ತಮ: ದೆಹಲಿ ಲೆಫ್ಟಿನೆಂಟ್ ಗವರ್ನರ್‌

ನವದೆಹಲಿ: ದೆಹಲಿ ಮುಖ್ಯಮಂತ್ರಿ ಅತಿಶಿ ಅವರನ್ನು ಹೊಗಳಿರುವ ಲೆಫ್ಟಿನೆಂಟಗ ಗವರ್ನರ್‌ ವಿ.ಕೆ ಸಕ್ಸೇನಾ, ಅತಿಶಿಯವರು ಹಿಂದಿನ ಮುಖ್ಯಮಂತ್ರಿಗಿಂತ ಸಾವಿರ ಪಟ್ಟು ಉತ್ತಮ ಎಂದು ಹೇಳಿದ್ದಾರೆ.

ಇಂದಿರಾ ಗಾಂಧಿ ತಾಂತ್ರಿಕ ವಿಶ್ವವಿದ್ಯಾಲಯದ ಪದವಿ ಪ್ರದಾನ ಸಮಾರಂಭದಲ್ಲಿ ಅವರು ಮಾತನಾಡಿದರು.

‘ದೆಹಲಿಯ ಮುಖ್ಯಮಂತ್ರಿಯೊಬ್ಬರು ಮಹಿಳೆ ಎನ್ನುವುದು ನನಗೆ ಖುಷಿ. ಅವರು ತಮ್ಮ ಪೂರ್ವಾಧಿಕಾರಿಗಿಂತ ಸಾವಿರ ಪಟ್ಟು ಉತ್ತಮ ಎಂದು ನಾನು ಆತ್ಮವಿಶ್ವಾಸದಿಂದ ಹೇಳಬಲ್ಲೆ’ ಎಂದು ಹೇಳಿದ್ದಾರೆ.

ಈ ಕಾರ್ಯಕ್ರಮದಲ್ಲಿ ಅತಿಶಿ ಅವರೂ ಹಾಜರಿದ್ದರು.

‘ನೀವು ಮುಂದೆ ಸಾಗುತ್ತಿರುವಂತೆ, ನಾಲ್ಕು ಮಾರ್ಗದರ್ಶಿ ನಕ್ಷತ್ರಗಳನ್ನು ಹೊಂದಿದ್ದೀರಿ. ಮೊದಲನೆಯದು ನಿಮಗೆ ನಿಮ್ಮ ಬಗೆಗಿನ ಜವಾಬ್ದಾರಿ, ಎರಡನೆಯದು ನಿಮ್ಮ ಪೋಷಕರು ಮತ್ತು ಕುಟುಂಬದ ಬಗ್ಗೆ ನಿಮ್ಮ ಜವಾಬ್ದಾರಿ ಮತ್ತು ಮೂರನೆಯದು ಸಮಾಜ ಮತ್ತು ರಾಷ್ಟ್ರ ನಿರ್ಮಾಣದ ಬಗೆಗಿನ ಜವಾಬ್ದಾರಿ, ನಾಲ್ಕನೆಯದು ಲಿಂಗ ತಾರತಮ್ಯ ಮೆಟ್ಟಿ ಎಲ್ಲಾ ಕ್ಷೇತ್ರಗಳಲ್ಲಿ ಇತರರಿಗೆ ಸರಿಸಮಾನವಾಗಿ ನಿಲ್ಲುವ ಮಹಿಳೆ ಎಂದು ಸಾಬೀತುಪಡಿಸುವುದು’ ಅವರು ನೆರೆದ ವಿದ್ಯಾರ್ಥಿಗಳಲ್ಲಿ ಅವರು ಹೇಳಿದ್ದಾರೆ.