ಯುಎಇ ಪ್ರವಾಸಕ್ಕೆ ತೆರಳಿದ ಜೈಶಂಕರ್‌

ನವದೆಹಲಿ: ವಿದೇಶಾಂಗ ಸಚಿವ ಎಸ್‌. ಜೈಶಂಕರ್‌ ಅವರು ಭಾನುವಾರ ಯುನೈಟೆಡ್‌ ಅರಬ್‌ ಎಮಿರೇಟ್ಸ್‌ಗೆ(ಯುಎಇ) ಪ್ರವಾಸ ಕೈಗೊಂಡಿದ್ದಾರೆ.

ಪ್ರವಾಸದ ಸಂದರ್ಭದಲ್ಲಿ ಅವರು ಯುಎಇ ವಿದೇಶಾಂಗ ವ್ಯವಹಾರಗಳ ಸಚಿವ ಅಬ್ದುಲ್ಲಾ ಬಿನ್ ಜಾಯೇದ್‌ ಅಲ್‌ ನಹಯಾನ್‌ರೊಂದಿಗೆ ದ್ವಿಪಕ್ಷೀಯ ವ್ಯವಹಾರಗಳ ಜೊತೆಗೆ ಗಾಜಾ ಸಮಸ್ಯೆಗೆ ಸಂಬಂಧಿಸಿದ ವಿಚಾರಗಳ ಬಗ್ಗೆಯೂ ಚರ್ಚೆ ನಡೆಸುವ ಸಾಧ್ಯತೆ ಇದೆ.

‘ಜೈಶಂಕರ್‌ ಅವರ ಯುಎಇ ಪ್ರವಾಸವು ಉಭಯ ದೇಶಗಳ ಪಾಲುದಾರಿಕೆ ಕಾರ್ಯತಂತ್ರದ ಕುರಿತು ಅವಲೋಕನ ನಡೆಸುವ ಹಾಗೂ ಪ್ರಾದೇಶಿಕ ಮತ್ತು ಜಾಗತಿಕ ಬೆಳವಣಿಗೆಗಳ ಕುರಿತ ಮುಕ್ತ ಚರ್ಚೆ ನಡೆಸುವ ಉದ್ದೇಶ ಹೊಂದಿದೆ’ ಎಂದು ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ಪ್ರಕಟಣೆಯಲ್ಲಿ ತಿಳಿಸಿದೆ.