ಜಮ್ಮು–ಕಾಶ್ಮೀರ: ಗಡಿಭಾಗದಲ್ಲಿ ಗುಂಡಿನ ಚಕಮಕಿ

ಮೆಂಧಾರ್‌/ಜಮ್ಮು: ಜಮ್ಮು ಮತ್ತು ಕಾಶ್ಮೀರದ ಪೂಂಚ್‌ ಜಿಲ್ಲೆಯಲ್ಲಿನ ಗಡಿಭಾಗದಲ್ಲಿ ಸಣ್ಣಪ್ರಮಾಣದ ಗುಂಡಿನ ಚಕಮಕಿ ನಡೆದಿದೆ.

ಕೃಷ್ಣ ಘಾಟ್‌ನಲ್ಲಿರುವ ಫಾರ್ವರ್ಡ್ ಇಂಡಿಯನ್‌ ಪೋಸ್ಟ್‌ ಬಳಿ ಗಡಿಯುದ್ದಕ್ಕೂ ಶುಕ್ರವಾರವ ರಾತ್ರಿ ಗುಂಡಿನ ದಾಳಿ ನಡೆದಿದ್ದು, ಭದ್ರತಾ ಪಡೆಯು ಪ್ರತಿದಾಳಿ ನಡೆಸಿದೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ. 

‘ಕೆಲ ಸಮಯದವರೆಗೆ ಗುಂಡಿನ ಚಕಮಕಿ ನಡೆದಿದ್ದು, ಯಾವುದೇ ಹಾನಿ ಸಂಭವಿಸಿಲ್ಲ. ಉಗ್ರರು ಗಡಿಯೊಳಗೆ ನುಸುಳದಿರುವುದು ಖಾತ್ರಿಯಾಗಿದ್ದು, ಕಾರ್ಯಾಚರಣೆ ಮುಂದುವರಿದಿದೆ.