ಫೆ.29ರವರೆಗೆ ಫಾಸ್ಟ್ಯಾಗ್‌ ಖರೀದಿ ಶುಲ್ಕ ಮನ್ನಾ

ನವದೆಹಲಿ: ಈ ಮಾಸಾಂತ್ಯದವರೆಗೂ (ಫೆ.29) ಯಾವುದೇ ಶುಲ್ಕ ಪಾವತಿಸದೆ ಫಾಸ್ಟ್ಯಾಗ್‌ ಖರೀದಿಸಬಹುದು.ನಗದುರಹಿತ ಎಲೆಕ್ಟ್ರಾನಿಕ್‌ ಟೋಲ್‌ ಸಂಗ್ರಹ ಹೆಚ್ಚಿಸುವ ಉದ್ದೇಶದಿಂದ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ(ಎನ್‌ಎಚ್‌ಎಐ) ಈ ನಿರ್ಧಾರ ಕೈಗೊಂಡಿದೆ.

‘ಫಾಸ್ಟ್ಯಾಗ್‌ಗೆ ಇದ್ದ ₹100 ಶುಲ್ಕವನ್ನು ಇದೇ 29ರವರೆಗೆ ಮನ್ನಾ ಮಾಡಲು ನಿರ್ಧರಿಸಲಾಗಿದೆ’ ಎಂದು ಎನ್‌ಎಚ್‌ಎಐ ತಿಳಿಸಿದೆ.

ವಾಹನ ಮಾಲೀಕರು ವಾಹನದ ನೋಂದಣಿ ಪ್ರಮಾಣ ಪತ್ರದೊಂದಿಗೆ (ಆರ್‌ಸಿ) ಯಾವುದೇ ಅಧಿಕೃತ ಫಾಸ್ಟ್ಯಾಗ್‌ ಮಾರಾಟಗಾರರ ಬಳಿಗೆ ಹೋಗಿ ಉಚಿತವಾಗಿ ಪಡೆಯಬಹುದು ಎಂದು ಎನ್‌ಎಚ್‌ಎಐ ತಿಳಿಸಿದೆ.