ಬಜೆಟ್ ಮಂಡನೆಗೂ ಮೊದಲು ರಾಷ್ಟ್ರಪತಿ ಭೇಟಿ ಮಾಡಿದ ಸೀತಾರಾಮನ್‌
Published 5 ಜುಲೈ 2019, 5:25 IST
ನವದೆಹಲಿ: ಬಹು ನಿರೀಕ್ಷೆಯ ಬಜೆಟ್ ಮಂಡನೆಗೆ ಸಂಸತ್‌ಗೆ ತೆರಳುವ ಮುನ್ನ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್‌ ಅವರು ರಾಷ್ಟ್ರಪತಿ ರಮಾನಾಥ್‌ ಕೋವಿಂದ್‌ ಅವರನ್ನು ಭೇಟಿ ಮಾಡಿದರು.
ಬಜೆಟ್ ದಾಖಲೆಗಳನ್ನು ಕೆಂಪು ವಸ್ತ್ರದಲ್ಲಿ ಹಿಡಿದು ತೆರಳಿದ ಸೀತಾರಾಮನ್‌ ಅವರು, ರಾಷ್ಟ್ರಪತಿ ಭವನದಲ್ಲಿ ರಮಾನಾಥ್‌ ಕೋವಿಂದ್‌ ಅವರನ್ನು ಭೇಟಿ ಮಾಡಿದರು.
ಅಲ್ಲಿಂದ ಸೀತಾರಾಮನ್‌ ಅವರು, ಸಂಸತ್‌ನಲ್ಲಿ ಆರಂಭವಾದ ಕೇಂದ್ರ ಸಚಿವ ಸಂಪುಟ ಸಭೆಗೆ ತೆರಳಿದರು. ಸಭೆಯ ಬಳಿಕ ಬಜೆಟ್ ಮಂಡನೆಗೆ ಸದನಕ್ಕೆ ಬರಲಿದ್ದಾರೆ.
ಬಜೆಟ್ ಮಂಡಿಸಲು ಪ್ರತಿಯನ್ನು ಈವರೆಗೆ ಸಚಿವರು ಚರ್ಮದ ಸೂಟ್‌ಕೇಸ್‌ನಲ್ಲಿ ತರುತ್ತಿದ್ದರು. ಆ ಶೀಷ್ಟಾಚಾರವನ್ನು ಮುರಿದ ಸೀತಾರಾಮನ್‌ ಅವರು, ದಾಖಲೆ ಪ್ರತಿಯನ್ನು ಕೆಂಪು ವಸ್ತ್ರದಲ್ಲಿ ತಂದಿದ್ದಾರೆ.
ಬಜೆಟ್ ಪ್ರತಿಗಳನ್ನು ಸಂಸತ್‌ಗೆ ತರಲಾಗುತ್ತಿದೆ. 11ಗಂಟೆಗೆ ಮಂಡನೆ ಆರಂಬವಾಗಲಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.