ರಾಜಸ್ಥಾನದಲ್ಲಿ ಬಸ್–ಟ್ರಕ್ ಅಪಘಾತ: ನಾಲ್ಕು ಪ್ರಯಾಣಿಕರು ಸಾವು, 20 ಜನರಿಗೆ ಗಾಯ

ಜೈಪುರ: ರಾಜಸ್ಥಾನದ ಪ್ರತಾಪಗಢ ಜಿಲ್ಲೆಯಲ್ಲಿ ಶನಿವಾರ ಬೆಳಿಗ್ಗೆ ಬಸ್–ಟ್ರಕ್ ಅಪಘಾತ ಸಂಭವಿಸಿದೆ. ಪರಿಣಾಮವಾಗಿ ನಾಲ್ಕು ಮಂದಿ ಮೃತಪಟ್ಟು, 20 ಜನರು ಗಾಯಗೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಲಂಬಾ ದಬ್ರಾ ಗ್ರಾಮದ ದೇವಾಲಯಕ್ಕೆ ಹೋಗಿದ್ದವರು ಬಸ್‌ನಲ್ಲಿದ್ದರು. ಈ ಬಸ್‌ ಪ್ರತಾಪಗಢ–ಬನ್‌ಸ್ವಾರ ಹೆದ್ದಾರಿಯಲ್ಲಿ ಕಚೋಟಿಯಾನ್‌ ಗ್ರಾಮದ ಸಮಿಪ ಸಂಚರಿಸುತ್ತಿದ್ದಾಗ ನಿಂತಿದ್ದ ಟ್ರಕ್‌ಗೆ ಡಿಕ್ಕಿಯಾಗಿದೆ ಎಂದು ಸುಹಾಗ್ಪುರ ಠಾಣಾಧಿಕಾರಿ ಇಂದ್ರಜಿತ್‌ ಮಾಹಿತಿ ನೀಡಿದ್ದಾರೆ.

ಗಾಯಗೊಂಡಿರುವ 20 ಜನರಿಗೆ ಜಿಲ್ಲಾಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ನಾಲ್ಕು ಮಂದಿ ಮೃತಪಟ್ಟಿದ್ದಾರೆ ಎಂದೂ ಅವರು ಹೇಳಿದ್ದಾರೆ.