ಗಿರ್ ಅರಣ್ಯದಲ್ಲಿ 11 ಸಿಂಹಗಳ ಸಾವು

ರಾಜ್‌ಕೋಟ್‌ (ಪಿಟಿಐ): ಗುಜರಾತ್‌ನ ಗಿರ್‌ ಅರಣ್ಯ ಪ್ರದೇಶದಲ್ಲಿ ಎಂಟು ದಿನಗಳಲ್ಲಿ 11 ಸಿಂಹಗಳ ಮೃತದೇಹ ಪತ್ತೆಯಾಗಿದ್ದು, ರಾಜ್ಯ ಸರ್ಕಾರವು ಈ ಬಗ್ಗೆ ವಿಚಾರಣೆ ನಡೆಸಲು ಅರಣ್ಯ ಇಲಾಖೆ ಅಧಿಕಾರಿಗಳಿಗೆ ಆದೇಶಿಸಿದೆ.

ಗಿರ್‌ ಅರಣ್ಯವನ್ನು ಪೂರ್ವ ಮತ್ತು ಪಶ್ಚಿಮ ಭಾಗಗಳಾಗಿ ವಿಂಗಡಿಸಲಾಗಿದ್ದು, ಸತ್ತಿರುವ ಸಿಂಹಗಳ ಮೃತದೇಹಗಳು ಪೂರ್ವ ಭಾಗದಲ್ಲಿ ಪತ್ತೆಯಾಗಿವೆ’ ಎಂದು ಅರಣ್ಯ ಉಪ ಸಂರಕ್ಷಣಾಧಿಕಾರಿ (ಪೂರ್ವ) ಪಿ. ಪುರು ಷೋತ್ತಮ ತಿಳಿಸಿದರು.

‘ನಾಲ್ಕು ಸಿಂಹಗಳ ಮೃತದೇಹಗಳು ಅಮ್ರೆಲಿ ಜಿಲ್ಲೆಯ ರಜುಲಾದಲ್ಲಿ ಬುಧವಾರ ಪತ್ತೆಯಾಗಿದ್ದು, ಉಳಿದ ಏಳು ಸಿಂಹಗಳ ಮೃತದೇಹಗಳು ಕೆಲ ದಿನಗಳ ಹಿಂದೆ ದೊರೆತಿವೆ’ ಎಂದು ದಲ್ಕಾನಿಯ ಅರಣ್ಯ ಶ್ರೇಣಿಯ ಹಿರಿಯ ಅರಣ್ಯ ಅಧಿಕಾರಿಯೊಬ್ಬರು ತಿಳಿಸಿದರು.

‘ಸತ್ತ ಪ್ರಾಣಿಗಳ ಅಂಗಾಂಗಗಳನ್ನು ಸಂಗ್ರಹಿಸಿ ಮರಣೋತ್ತರ ಪರೀಕ್ಷೆಗಾಗಿ ಜುನಾಗಡದ ಪಶುವೈದ್ಯಕೀಯ ಆಸ್ಪ ತ್ರೆಗೆ ಕಳುಹಿಸಲಾಗಿದೆ. ವರದಿಗಾಗಿ ಕಾಯು ತ್ತಿದ್ದೇವೆ’ ಎಂದು ಅವರು ತಿಳಿಸಿದರು.

‘ಸರ್ಕಾರವು ಅರಣ್ಯ ಮುಖ್ಯ ಸಂರಕ್ಷಣಾಧಿಕಾರಿ ನೇತೃತ್ವದಲ್ಲಿ ತನಿಖೆ ನಡೆಸಲು ಆದೇಶಿಸಿದೆ’ ಎಂದು ಅರಣ್ಯ ಮತ್ತು ಪರಿಸರ ಇಲಾಖೆಯ ಸಹಾಯಕ ಮುಖ್ಯ ಕಾರ್ಯದರ್ಶಿ ಡಾ.ರಾಜೀವ್‌ ಕುಮಾರ್‌ ಗುಪ್ತಾ ತಿಳಿಸಿದ್ದಾರೆ. 2015ರಲ್ಲಿ ನಡೆಸಿದ ಸಮೀಕ್ಷೆ ಪ್ರಕಾರ ಗಿರ್‌ ಅರಣ್ಯ ಪ್ರದೇಶವು 520 ಸಿಂಹಗಳ ಆವಾಸಸ್ಥಾನವಾಗಿದೆ.