ಉತ್ತರ ಪ್ರದೇಶದಲ್ಲಿ ಬಾಲಕಿ ಅಪಹರಿಸಿ, ಒಂದು ತಿಂಗಳು ಅತ್ಯಾಚಾರ: ಆರೋಪಿ ಸೆರೆ

ಬಲ್ಲಿಯಾ: ‘ಉತ್ತರ ಪ್ರದೇಶದ ಗ್ರಾಮವೊಂದರಲ್ಲಿ ಅಪಹರಿಸಿ, ಒಂದು ತಿಂಗಳಿಗೂ ಹೆಚ್ಚು ಕಾಲ ಅತ್ಯಾಚಾರಕ್ಕೆ ಒಳಗಾಗಿದ್ದ 17 ವರ್ಷದ ಸಂತ್ರಸ್ತ ಬಾಲಕಿಯನ್ನು ರಕ್ಷಿಸಲಾಗಿದೆ’ ಎಂದು ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ.

‘ಬಲ್ಲಿಯಾ ಜಿಲ್ಲೆಯ ನಗರ ಪಟ್ಟಣದಲ್ಲಿ ಗೋಪ್ಯವಾಗಿ ಇಡಲಾಗಿದ್ದ ಬಾಲಕಿಯನ್ನು ರಕ್ಷಿಸಲಾಗಿದೆ. ಬಾಲಕಿ ನೀಡಿದ ಹೇಳಿಕೆ ಮೇರೆಗೆ ಈ ಕೃತ್ಯದಲ್ಲಿ ಭಾಗಿಯಾಗಿದ್ದ ಆರೋಪಿ ರಾಜಾ ಭಾರತಿ (24) ಎಂಬಾತನನ್ನು ಬಂಧಿಸಲಾಗಿದೆ’ ಎಂದು ಪೊಲೀಸ್ ಅಧಿಕಾರಿ ನಗರ್ ಅತುಲ್ ಕುಮಾರ್ ಮಿಶ್ರಾ ಹೇಳಿದ್ದಾರೆ. 

ತನ್ನನ್ನು ಅಪಹರಿಸಿದ್ದ ರಾಜಾ ಭಾರತಿ, ಹರಿಯಾಣಕ್ಕೆ ಕರೆದೊಯ್ದು ಒಂದೂವರೆ ತಿಂಗಳು ಅತ್ಯಾಚಾರವೆಸಗಿದ್ದಾನೆ ಎಂದು ಬಾಲಕಿ ತಿಳಿಸಿದ್ದು ಈ ಹೇಳಿಕೆ ಆಧರಿಸಿ ಆರೋಪಿ ವಿರುದ್ಧ ಪೋಕ್ಸೊ ಕಾಯ್ದೆಯಡಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ ಎಂದರು. 

ಸೆಪ್ಟೆಂಬರ್ 11ರಂದು ಬಾಲಕಿ ಅಪಹರಣವಾಗಿದ್ದಳು. ಈ ಕುರಿತು ಆಕೆಯ ತಂದೆ ಸೆ.16ರಂದು ದೂರು ನೀಡಿದ್ದರು.