ನಕ್ಸಲ್‌ ನೈತಾಮ್‌ ಪೊಲೀಸರಿಗೆ ಶರಣು

ಮುಂಬೈ: ನಕ್ಸಲ್‌ ಕೇಡರ್‌ ಅಲಿಯಾಸ್‌ ಮಾನ್ಯಾ ಕಿಂಜೊ ನೈತಾಮ್‌ ಅವರು ಗಢಚಿರೋಲಿ ಪೊಲೀಸ್‌ ಠಾಣೆಗೆ ಬಂದು ಶುಕ್ರವಾರ ಶರಣಾಗಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದರು. 

ಈ ಪ್ರದೇಶದಲ್ಲಿ ನಡೆದ ಕನಿಷ್ಠ 18 ಎನ್‌ಕೌಂಟರ್‌ನಲ್ಲಿ ನೈತಾಮ್‌ ಅವರು ಭಾಗಿಯಾಗಿದ್ದಾರೆ. ಎಂಟು ಮಂದಿ ಕೊಲೆ ಆರೋಪ ಸೇರಿದಂತೆ  34 ಪ್ರಕರಣಗಳು ಇವರ ವಿರುದ್ಧ ದಾಖಲಾಗಿವೆ ಎಂದು ತಿಳಿಸಿದರು.

ನೈತಾಮ್‌ ಅವರು 2007ರಲ್ಲಿ ನಕ್ಸಲ್‌ ಚಳವಳಿಗೆ ಸೇರ್ಪಡೆಯಾಗಿದ್ದರು.