IAF ತರಬೇತಿ ವಿಮಾನ ಪಶ್ಚಿಮ ಬಂಗಾಳದಲ್ಲಿ ಪತನ: ಪೈಲಟ್‌ಗಳು ಸುರಕ್ಷಿತ
Published 13 ಫೆಬ್ರುವರಿ 2024, 15:03 IST
ಪಶ್ಚಿಮ ಬಂಗಾಳದ ಪಶ್ಚಿಮ ಮೇದಿನಿಪುರದಲ್ಲಿ ಭಾರತೀಯ ವಾಯು ಸೇನೆಗೆ ಸೇರಿದ ಹಾಕ್ ತರಬೇತಿ ವಿಮಾನ ಪತಗೊಂಡಿದ್ದು, ವಾಯುಸೇನೆ ಅಧಿಕಾರಿಗಳು ಪರಿಶೀಲನೆ ನಡೆಸಿದರು
ಪಿಟಿಐ ಚಿತ್ರ
ಕೋಲ್ಕತ್ತ: ಭಾರತೀಯ ವಾಯು ಸೇನೆಯ ತರಬೇತಿ ವಿಮಾನವು ಪಶ್ಚಿಮ ಬಂಗಾಳದ ಪಶ್ಚಿಮ ಮೇದಿನಿಪುರ ಜಿಲ್ಲೆಯ ಕಲೈಕುಂಡ ಬಳಿ ಮಂಗಳವಾರ ಪತನಗೊಂಡಿದೆ.
ತರಬೇತಿಯಲ್ಲಿದ್ದ ಪೈಲಟ್‌ಗಳು, ವಿಮಾನ ಹಾರಾಟ ನಡೆಸುತ್ತಿದ್ದ ಸಂದರ್ಭದಲ್ಲಿ ಈ ಅಪಘಾತ ಸಂಭವಿಸಿದೆ. ಪತನಗೊಳ್ಳುವ ಮೊದಲೇ ಪೈಲಟ್‌ಗಳು ಅದರಿಂದ ಸುರಕ್ಷಿತವಾಗಿ ಹೊರ ಜಿಗಿದಿದ್ದಾರೆ.
ತರಬೇತಿ ಮುಗಿಸಿ ಕಲೈಕುಂಡ ವಾಯು ನೆಲೆಗೆ ಮರಳುತ್ತಿದ್ದ ಸಂದರ್ಭದಲ್ಲಿ ಈ ಅಪಘಾತ ಸಂಭವಿಸಿದೆ. ವಾಯು ನೆಲೆ ಪಕ್ಕದ ಜಾಗದಲ್ಲಿ ವಿಮಾನ ಪತಗೊಂಡಿದೆ.
ಇದರ ಮಾಹಿತಿ ಪಡೆದ ಸಾರ್ವಜನಿಕರು ಸ್ಥಳದಲ್ಲಿ ಜಮಾಯಿಸಿದ್ದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.