ಕೋವಿಡ್: ಐಐಟಿ–ದೆಹಲಿ ಸಂಶೋಧಕರಿಂದ ಸಂಭಾವ್ಯ ಲಸಿಕೆ ಅಭಿವೃದ್ಧಿ
ನವದೆಹಲಿ: ‘ಸಾರ್ಸ್‌– ಕೋವ್–2’ ವೈರಸ್‌ಗಳನ್ನು ಹೋಲುವ ಕಣಗಳನ್ನು (ವಿಎಲ್‌ಪಿ) ಅಭಿವೃದ್ಧಿಪಡಿಸಿರುವ ಐಐಟಿ–ದೆಹಲಿ ಸಂಶೋಧಕರು, ಇವುಗಳು ಕೋವಿಡ್–19 ವಿರುದ್ಧದ ಸಂಭಾವ್ಯ ಲಸಿಕೆಯಂತೆ (ವ್ಯಾಕ್ಸಿನ್‌ ಕ್ಯಾಂಡಿಡೇಟ್) ಕಾರ್ಯನಿರ್ವಹಿಸಲಿವೆ ಎಂದು ಹೇಳಿದ್ದಾರೆ.
‘ಈ ವಿಎಲ್‌ಪಿಗಳನ್ನು ಬಳಸಿ ಇಲಿಗಳ ಮೇಲೆ ಪ್ರಯೋಗ ನಡೆಸಲಾಗಿದೆ. ಇವುಗಳು ಇಲಿಗಳಲ್ಲಿನ ರೋಗ ನಿರೋಧಕ ಶಕ್ತಿ ವೃದ್ಧಿಸಿ, ಸಾರ್ವ್‌–ಕೋವ್–2 ವೈರಸ್‌ಗೆ ಪ್ರತಿರೋಧ ಒಡ್ಡಿದ್ದು ಕಂಡುಬಂತು’ ಎಂದು ಐಐಟಿ–ದೆಹಲಿಯ ಕುಸುಮಾ ಸ್ಕೂಲ್‌ ಆಫ್‌ ಬಯೊಲಾಜಿಕಲ್‌ ಸೈನ್ಸಸ್‌ನ ಪ್ರಾಧ್ಯಾಪಕಿ ಮಣಿದೀಪ ಬ್ಯಾನರ್ಜಿ ಹೇಳಿದ್ದಾರೆ.
‘ವಿಎಲ್‌ಪಿ ಆಧಾರಿತ ಲಸಿಕೆಗಳು ಸುರಕ್ಷಿತ. ಇವುಗಳಲ್ಲಿ ಜೀನೋಮ್‌ಗಳು ಇರುವುದಿಲ್ಲ. ಹಾಗಾಗಿ, ವೈರಸ್‌ನ ಎಲ್ಲ ರೂಪಾಂತರ ತಳಿಗಳ ವಿರುದ್ದ ವಿಎಲ್‌ಪಿ ಆಧಾರಿತ ಲಸಿಕೆಗಳು ಪ್ರಬಲ ರೋಗನಿರೋಧಕ ಶಕ್ತಿ ಉತ್ಪತ್ತಿಗೆ ಕಾರಣವಾಗುತ್ತವೆ’ ಎಂದು ಅವರು ಹೇಳಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.