ಬಿರ್ಸಾ ಮುಂಡಾ ಜನ್ಮದಿನ | ಜಾರ್ಖಂಡ್ ಅಭಿವೃದ್ಧಿಗೆ ಇಂಡಿಯಾ ಕೂಟ ಬದ್ದ: ರಾಹುಲ್

ನವದೆಹಲಿ: ಜಾರ್ಖಂಡ್ ಜನರ ಸಂಸ್ಕೃತಿ ಮತ್ತು ಹಕ್ಕುಗಳನ್ನು ರಕ್ಷಿಸಲು ಇಂಡಿಯಾ ಮೈತ್ರಿಕೂಟ ಯಾವಾಗಲೂ ಬದ್ಧವಾಗಿದೆ ಎಂದು ಲೋಕಸಭೆ ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿ ಹೇಳಿದರು.

ಜಾರ್ಖಂಡ್ ರಾಜ್ಯದ ಸ್ಥಾಪನಾ ದಿನದ ಅಂಗವಾಗಿ ಅವರು ರಾಜ್ಯದ ಜನರಿಗೆ ಶುಭಾಶಯ ಕೋರಿದ್ದಾರೆ. ನೈಸರ್ಗಿಕ, ಖನಿಜ ಸಂಪತ್ತು ಹಾಗೂ ವೈವಿದ್ಯಮಯ ಸಂಸ್ಕೃತಿಯನ್ನು ಹೊಂದಿರುವ ಜಾರ್ಖಂಡ್‌ ರಾಜ್ಯದ ಜನರಿಗೆ ಶುಭಾಶಯಗಳು ಎಂದು ಸಾಮಾಜಿಕ ಮಾಧ್ಯಮ ಎಕ್ಸ್‌ನಲ್ಲಿ ಪೋಸ್ಟ್‌ ಪ್ರಕಟಿಸಿದ್ದಾರೆ. 

ಆದಿವಾಸಿ ಮಹಾನಾಯಕ ಬಿರ್ಸಾ ಮುಂಡಾ ಜನ್ಮದಿನದ ಈ ಸಂದರ್ಭದಲ್ಲಿ ಗೌರವ ನಮನ ಸಲ್ಲಿಸಿರುವ ಅವರು, ಆದಿವಾಸಿಗಳ ಅಸ್ತಿತ್ವಕ್ಕೆ ಹೋರಾಟ, ನೀರು, ಅರಣ್ಯ ಮತ್ತು ಭೂಮಿಯನ್ನು ರಕ್ಷಿಸಲು ಅವರು ಮಾಡಿರುವ ತ್ಯಾಗವನ್ನು ರಾಹುಲ್‌ ಗಾಂಧಿ ಸ್ಮರಿಸಿದ್ದಾರೆ.