ಲೆಬನಾನಿಗೆ ಭಾರತ ಮಾನವೀಯ ನೆಲೆಯಲ್ಲಿ ನೆರವು

ನವದೆಹಲಿ: ಸಂಘರ್ಷಪೀಡಿತ ಲೆಬನಾನ್‌ಗೆ ಭಾರತವು ಮಾನವೀಯ ನೆಲೆಯಲ್ಲಿ ಸಾಮಗ್ರಿಗಳನ್ನು ಕಳುಹಿಸಲು ನಿರ್ಧರಿಸಿದೆ.

ಈ ಕುರಿತು ಸಾಮಾಜಿಕ ಮಾಧ್ಯಮ 'ಎಕ್ಸ್‌'ನಲ್ಲಿ ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ವಕ್ತಾರ ರಣಧೀರ್‌ ಜೈಸ್ವಾಲ್ ಮಾಹಿತಿ ನೀಡಿದ್ದಾರೆ. ಈ ಸಂಬಂಧ ಚಿತ್ರವನ್ನು ಹಂಚಿದ್ದಾರೆ.

'ಲೆಬನಾನಿಗೆ ಒಟ್ಟು 33 ಟನ್‌ಗಳಷ್ಟು ವೈದ್ಯಕೀಯ ಸಾಮಗ್ರಿ ಕಳುಹಿಸಲಾಗುತ್ತದೆ. ಮೊದಲ ಕಂತಿನ 11 ಟನ್ ವೈದ್ಯಕೀಯ ನೆರವು ಸಾಮಾಗ್ರಿಗಳು ಇಂದು (ಶುಕ್ರವಾರ) ರವಾನೆಯಾಗಲಿದೆ' ಎಂದು ತಿಳಿಸಿದ್ದಾರೆ.

ನೆರವು ಸಾಮಗ್ರಿಯಲ್ಲಿ ಬಹುತೇಕ ಔಷಧೀಯ ಉತ್ಪನ್ನಗಳನ್ನು ಹೊಂದಿರುವುದಾಗಿ ಅವರು ತಿಳಿಸಿದ್ದಾರೆ.