ಚಂದ್ರಯಾನ -3 ಯೋಜನೆಗೆ ಕೇಂದ್ರದ ಅನುಮತಿ ಲಭಿಸಿದೆ: ಇಸ್ರೊ ಮುಖ್ಯಸ್ಥ ಕೆ.ಶಿವನ್
ಬೆಂಗಳೂರು: ಚಂದ್ರಯಾನ-3 ಯೋಜನೆಗೆ ಕೇಂದ್ರ ಸರ್ಕಾರದಿಂದ ಅನುಮತಿ ಲಭಿಸಿದ್ದು, ಯೋಜನೆಯ ಕಾರ್ಯಗಳು ನಡೆಯುತ್ತಿವೆ ಎಂದು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೊ) ಅಧ್ಯಕ್ಷ ಕೆ. ಶಿವನ್ ಹೇಳಿದ್ದಾರೆ.
ಬೆಂಗಳೂರಿನಲ್ಲಿ ಬುಧವಾರ ಸುದ್ದಿಗೋಷ್ಠಿ ನಡೆಸಿದ ಶಿವನ್ , ಬಾಹ್ಯಾಕಾಶ ನೌಕೆಗಳ ಉಡ್ಡಯಣ ಕೇಂದ್ರ ಸ್ಥಾಪಿಸಲು ಜಮೀನು ಖರೀದಿಸಿದ್ದು, ಈ ಕೇಂದ್ರ ತಮಿಳುನಾಡಿನ ತೂತ್ತುಕುಡಿಯಲ್ಲಿರಲಿದೆ ಎಂದಿದ್ದಾರೆ.
ಇದನ್ನೂ ಓದಿ:ಚೊಚ್ಚಲ ಯೋಜನೆ ಮಾನವಸಹಿತ ಗಗನಯಾನಕ್ಕೆ ಸಂಪುಟ ಅಸ್ತು
ಚಂದ್ರಯಾನ -2 ಲ್ಯಾಂಡಿಂಗ್ ವಿಫಲವಾದರೂ ನಾವು ಈ ಯೋಜನೆಯ ಮೂಲಕ ಉತ್ತಮ ಸಾಧನೆ ಮಾಡಿದ್ದೇವೆ. ಆರ್ಬಿಟರ್ ಈಗಲೂ ಕಾರ್ಯವೆಸಗುತ್ತಿದ್ದು, ಮುಂದಿನ 7 ವರ್ಷಗಳ ಕಾಲ ಇದು ನಮಗೆ ಮಾಹಿತಿಯನ್ನು ಒದಗಿಸಲಿದೆ.
2022ರ ವೇಳೆಗೆ ಭಾರತದ ಮಹತ್ವಾಕಾಂಕ್ಷೆಯ ಯೋಜನೆ ಗಗನಯಾನದಲ್ಲಿನಾಲ್ಕು ಗಗನಯಾತ್ರಿಗಳನ್ನು ಬಾಹ್ಯಾಕಾಶಕ್ಕೆ ಕಳುಹಿಸಲಾಗುವುದು. ಗಗನಯಾನ ಯೋಜನೆಯಗಗನನೌಕೆಗಳ ಪರೀಕ್ಷೆ ಮತ್ತು ಗಗನಯಾತ್ರಿಗಳ ತರಬೇತಿಯು ಈ ವರ್ಷದ ಪ್ರಧಾನ ಚಟುವಟಿಕೆಗಳಾಗಿವೆ ಎಂದಿದ್ದಾರೆ ಶಿವನ್.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.