ಜೂನ್ 4ರಂದು ಜೆಇಇ ಅಡ್ವಾನ್ಸ್ಡ್‌

ನವದೆಹಲಿ: ಭಾರತೀಯ ತಂತ್ರಜ್ಞಾನ ಸಂಸ್ಥೆಗಳ (ಐಐಟಿ) ಪ್ರವೇಶಕ್ಕಾಗಿ ನಡೆಸುವ ಜಂಟಿ ಪ್ರವೇಶ ಪರೀಕ್ಷೆ (ಜೆಇಇ) ಅಡ್ವಾನ್ಸ್ಡ್‌ಅನ್ನು 2023ರ ಜೂನ್ 4ರಂದು ನಡೆಸಲಾಗುವುದು ಎಂದು ಐಐಟಿ ಗುವಾಹಟಿ ಶುಕ್ರವಾರ ಘೋಷಿಸಿದೆ.

2023ರಲ್ಲಿ ಈ ಪರೀಕ್ಷೆ ನಡೆಸುವ ಜವಾಬ್ದಾರಿಯನ್ನು ಈ ಸಂಸ್ಥೆಗೆ ವಹಿಸಲಾಗಿದೆ.

ಪರೀಕ್ಷೆಯಲ್ಲಿ ತಲಾ ಮೂರು ಗಂಟೆ ಅವಧಿಯ ಎರಡು ಪ್ರಶ್ನೆಪತ್ರಿಕೆಗಳು ಇರಲಿವೆ. ಪರೀಕ್ಷಾರ್ಥಿಗಳು ಕಡ್ಡಾಯವಾಗಿ ಎರಡೂ ಪ್ರಶ್ನೆಪ್ರತ್ರಿಕೆಗಳಿಗೆ ಉತ್ತರಿಸಬೇಕು ಎಂದೂ ಐಐಟಿ ಅಧಿಕಾರಿಗಳು ತಿಳಿಸಿದ್ದಾರೆ.