ಪಿಎಂಒ ಅಧಿಕಾರಿ ಸೋಗು: ಕಾಶ್ಮೀರಿ ವ್ಯಕ್ತಿ ಸೆರೆ

ಭುವನೇಶ್ವರ: ಪ್ರಧಾನ ಮಂತ್ರಿ ಕಚೇರಿ ಅಧಿಕಾರಿ ಮತ್ತು ಸೇನೆ ವೈದ್ಯನ ಸೋಗಿನಲ್ಲಿ ಜನರಿಗೆ ವಂಚಿಸುತ್ತಿದ್ದ ಕಾಶ್ಮೀರ ಮೂಲದ ವ್ಯಕ್ತಿಯೊಬ್ಬರನ್ನು ಒಡಿಶಾ ಪೊಲೀಸ್‌ ಇಲಾಖೆಯ ವಿಶೇಷ ಕಾರ್ಯಾಚರಣೆ ಪಡೆ (ಎಸ್‌ಟಿಎಫ್‌) ಬಂಧಿಸಿದೆ. 

ಬಂಧಿತನನ್ನು ಸೈಯದ್‌ ಇಶಾನ್‌ ಬುಕಾರಿ ಅಲಿಯಾಸ್‌ ಡಾ. ಇಶಾನ್‌ ಬುಕಾರಿ ಎಂದು ಗುರುತಿಸಲಾಗಿದೆ. ಪಾಕಿಸ್ತಾನದ ಹಲವರೊಂದಿಗೆ ಈತನಿಗೆ ಸಂಪರ್ಕವಿದೆ ಎಂದು ತಿಳಿದು ಬಂದಿದೆ. ಈತನ ಕುರಿತ ಲಭ್ಯವಾದ ಮಾಹಿತಿ ಆಧರಿಸಿ ಅಧಿಕಾರಿಗಳು ಜೈಪುರ ಜಿಲ್ಲೆಯ ನ್ಯೂಲ್ಪುರ್ ಎಂಬಲ್ಲಿ ಬಂಧಿಸಿದ್ದಾರೆ.