ಕುಂಭಮೇಳ: ಸಹಾಯವಾಣಿಗೆ ಚಾಲನೆ

ಹರಿದ್ವಾರ: ಕುಂಭಮೇಳಕ್ಕೆ ಸಂಬಂಧಿಸಿದ ಮಾಹಿತಿ ನೀಡುವ ಸಲುವಾಗಿ ಉತ್ತರಾಖಂಡ ಪೊಲೀಸರು ಸಹಾಯವಾಣಿ 1902ಕ್ಕೆ ಮಂಗಳವಾರ ಚಾಲನೆ ನೀಡಿದರು.

ಕುಂಭಮೇಳಕ್ಕೆ ತೆರಳುವ ಭಕ್ತರು ನೋಂದಣಿ, ಮೇಳ ತಲುಪುವ ಮಾರ್ಗ, ಪಾರ್ಕಿಂಗ್‌ ವ್ಯವಸ್ಥೆ, ಕೋವಿಡ್‌ ಮಾರ್ಗಸೂಚಿ, ಲಭ್ಯವಿರುವ ಆರೋಗ್ಯ ಸೇವೆ ಸೇರಿದಂತೆ ವಿವಿಧ ಮಾಹಿತಿಯನ್ನು ಈ ಸಹಾಯವಾಣಿ ಸಂಪರ್ಕಿಸಿ ಪಡೆಯಬಹುದು ಎಂದು ಮೇಳ ಉಸ್ತುವಾರಿ ಐಜಿಪಿ ಸಂಜಯ್‌ ಗುಂಜ್ಯಾಲ್ ತಿಳಿಸಿದರು.