ಮಾಘಿ ಪೂರ್ಣಿಮ: ಗಂಗಾ, ಯಮುನಾ, ಸರಸ್ವತಿ ಸಂಗಮದಲ್ಲಿ ಮಿಂದೆದ್ದ 20 ಲಕ್ಷ ಭಕ್ತರು

ಪ್ರಯಾಗರಾಜ್‌: ‘ಮಾಘಿ ಪೂರ್ಣಿಮದ’ ಹಿನ್ನೆಲೆಯಲ್ಲಿ ಸುಮಾರು 20 ಲಕ್ಷ ಜನರು ಭಾನುವಾರ ಸಂಗಮದಲ್ಲಿ ಮಿಂದೆದ್ದರು ಎಂದು ಅಧಿಕಾರಿಗಳು ತಿಳಿಸಿದರು.

ಗಂಗಾ, ಯಮುನಾ ಮತ್ತು ಸರಸ್ವತಿ ನದಿಗಳು ಒಂದೆಡೆ ಸೇರುವ ಪವಿತ್ರ ಸ್ಥಳವೇ ಸಂಗಮ.

‘ಭದ್ರತೆ ದೃಷ್ಟಿಯಿಂದ 5000ಕ್ಕೂ ಹೆಚ್ಚು ಸಿಬ್ಬಂದಿಯನ್ನು ನಿಯೋಜಿಸಲಾಗಿತ್ತು. ನದಿ ಆಂಬುಲೆನ್ಸ್‌ ಮತ್ತು ತೇಲುವ ಪೊಲೀಸ್‌ ಉಪಠಾಣೆ ವ್ಯವಸ್ಥೆ ಕಲ್ಪಿಸಲಾಗಿತ್ತು’ ಎಂದು ಹಿರಿಯ ಪೊಲೀಸ್‌ ವರಿಷ್ಠಾಧಿಕಾರಿ (ಮಾಘ ಮೇಳ) ರಾಜೀವ್‌ ನಾರಾಯಣ್‌ ಮಿಶ್ರಾ ತಿಳಿಸಿದರು.

ಫೆ.18ರಂದು ಮಹಾಶಿವರಾತ್ರಿಯ ದಿನ ಮುಂದಿನ ‘ಪವಿತ್ರ ಸ್ನಾನ’ ನಡೆಯಲಿದೆ. ಅಂದು ಮಾಘ ಮೇಳ ಸಮಾರೋಪಗೊಳ್ಳಲಿದೆ.