ನಟನಿಗೆ ಜೀವ ಬೆದರಿಕೆ

ಕೋಲ್ಕತ್ತ : ಪ್ರಧಾನಿಗೆ ಬರೆದ ಪತ್ರಕ್ಕೆ ಸಹಿ ಹಾಕಿದ ಪಶ್ಚಿಮ ಬಂಗಾಳದ ನಟ ಕೌಶಿಕ್‌ ಸೇನ್‌ ಅವರಿಗೆ ಜೀವ ಬೆದರಿಕೆ ಕರೆ ಬಂದಿದೆ.

ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಲಾಗಿದ್ದು ದೂರವಾಣಿ ಸಂಖ್ಯೆಯನ್ನು ಅವರಿಗೆ ನೀಡಲಾಗಿದೆ ಎಂದು ಸೇನ್‌ ಅವರು ಹೇಳಿದ್ದಾರೆ. ‘ಗುಂಪು ಹಲ್ಲೆ ಮತ್ತು ಅಸಹಿಷ್ಣುತೆ ಬಗ್ಗೆ ಮಾತನಾಡುವುದನ್ನು ನಿಲ್ಲಿಸದಿದ್ದರೆ ಘೋರ ಪರಿಣಾಮ ಎದುರಿಸಬೇಕಾದೀತು ಎಂದೂ ಆ ವ್ಯಕ್ತಿ ಬೆದರಿಸಿದ್ದಾರೆ’ ಎಂದು ಸೇನ್‌ ತಿಳಿಸಿದ್ದಾರೆ.