Maharashtra polls: ಬಾರಾಮತಿ ಕ್ಷೇತ್ರದಿಂದ ಅಜಿತ್‌ ಪವಾರ್‌ ನಾಮಪತ್ರ ಸಲ್ಲಿಕೆ
Published 28 ಅಕ್ಟೋಬರ್ 2024, 13:29 IST
ಮಹಾರಾಷ್ಟ್ರ ಉಪಮುಖ್ಯಮಂತ್ರಿ ಅಜಿತ್‌ ಪವಾರ್‌ ಬಾರಾಮತಿ ಕ್ಷೇತ್ರದಿಂದ ಸ್ಪರ್ಧಿಸಲು ನಾಮಪತ್ರ ಸಲ್ಲಿಸಿದರು.
ಪುಣೆ: ಎನ್‌ಸಿಪಿ ನಾಯಕರೂ ಆದ ಮಹಾರಾಷ್ಟ್ರ ಉಪಮುಖ್ಯಮಂತ್ರಿ ಅಜಿತ್‌ ಪವಾರ್‌ ಅವರು ಬಾರಾಮತಿ ಕ್ಷೇತ್ರದಿಂದ ಸೋಮವಾರ ನಾಮಪತ್ರ ಸಲ್ಲಿಸಿದರು.
ತಮ್ಮ ಬಲ ಪ್ರದರ್ಶನ ತೋರುತ್ತಾ ಭಾರಿ ಬೆಂಬಲಿಗರ ರ‍್ಯಾಲಿಯಲ್ಲಿ ತಹಶೀಲ್ದಾರ್‌ ಕಚೇರಿಗೆ ಆಗಮಿಸಿದ ಅಜಿತ್‌ ಪವಾರ್‌ ನಾಮಪತ್ರ ಸಲ್ಲಿಸಿದರು. ಅವರೊಂದಿಗೆ ಮಕ್ಕಳಾದ ಪಾರ್ಥ್‌ ಪವಾರ್‌ ಮತ್ತು ಜಯ್‌ ಪವಾರ್‌ ಕೂಡ ಇದ್ದರು.
ಬಾರಾಮತಿ ಕ್ಷೇತ್ರದಿಂದ ಅಜಿತ್‌ ಪವಾರ್‌ ಸೋದರಳಿಯ ಎನ್‌ಸಿಪಿ (ಎಸ್‌ಪಿ) ಅಭ್ಯರ್ಥಿ ಯುಗೇಂದ್ರ ಪವಾರ್‌ ಅವರು ಕೂಡ ಸ್ಪರ್ಧಿಸುತ್ತಿದ್ದಾರೆ. ಅಜಿತ್‌ ಪವಾರ್‌ ಅವರಿಗಿಂತಲೂ ಮುನ್ನ, ಕಡಿಮೆ ಅಭಿಮಾನಿಗಳ ಜತೆಯಲ್ಲಿ ಯುಗೇಂದ್ರ ಪವಾರ್‌ ನಾಮಪತ್ರ ಸಲ್ಲಿಸಿದರು. ಯುಗೇಂದ್ರ ಅವರೊಂದಿಗೆ ಎನ್‌ಸಿಪಿ (ಎಸ್‌ಪಿ) ಅಧ್ಯಕ್ಷ ಶರದ್‌ ಪವಾರ್‌ ಹಾಗೂ ಅವರ ಪುತ್ರಿ, ಬಾರಾಮತಿ ಲೋಕಸಭೆ ಕ್ಷೇತ್ರದ ಸಂಸದೆ ಸುಪ್ರಿಯಾ ಸುಳೆ ಇದ್ದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.